افغانستان

ټاکنې؛ کابل کې ټول ټاکنیز مامورین شړل کېږي

نن ټکی اسیا (یکشنبه، ۲۰لړم، ۱۳۹۷ل): د ټاکنو کمیسیون چارواکي وايي، پلازمېنه کابل کې ټول ټاکنیز مامورین له دندو شړي او ټولې رايې له سره شمېري.

که څه هم د ټاکنیزې پروسې اړوند په ټول هېواد کې شکایتونه ثبت شوي، درغلۍ يې را برسېره شوې او ګڼې ستونزې پکې موجودې وې، خو تر اوسه ډېر تمرکز پر پلازمېنه دی.

د دې کمیسیون مشر عبدالبدیع صیاد په خبري غونډه کې وویل، چې د کابل تر څنګ به د هر هغه ولایت رايې بیا وشمېري چې د تورو او سپینو رایو په اړه يې ګډوډي موجوده وي.

د خپلواکو او عادلانه ټاکنو بنسټ – فیفا؛ هم د دې اقدام هرکلی کړی او وايي چې پلازمېنه کې هم د ټاکنو په برخه کې ګڼې ستونزې موجودې وې.

د دې بنسټ اجراییه مشر یوسف رشید وايي، دویمې ورځې ته د ټاکنو غځېدل د دې علت شول، چې پر ټاکنیز بهیر نیوکې ډېرې شي.

دا اقدام په داسې حال کې اخیستل کېږي، چې ټاکنو کمیسیون څو ورځې وړاندې ومنله، چې د دوی کمزوري مدیریت پر ټاکنیزه پروسه ولسي باور ته ضربه ورکړه.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x