ارګ: دوی به په هیڅ ډول تر ولسمشریزو ټاکنو تېر نه شي

نن ټکی اسیا (سه شنبه، ۲۲لړم، ۱۳۹۷ل): وال‌سټریټ ژورنال وايي ټرمپ نیت لري چې د افغانستان ولسشمریزې ټاکنې وځنډېږي او سولې ته لومړیتوب ورکړل شي.

ارګ ویلي، دوی به په هیڅ ډول تر ولسمشریزو ټاکنو تېر نه شي.

د ارګ‌مشر اشرف غني سلاکار فضل محمود فضلي پخپله ټویټر پاڼه د حکومت د خپلواکۍ دعوه کړې او ويلي يې دي له اساسي قانون سره ټکر به هیڅ چاره ترسره نه کړي.

که څه هم روان حکومت هم د اساسي قانون خلاف رامنځته شوی دی، خو ښاغلی فضلي ليکي: «افغانستان یو ډیموکراټیک هېواد دی، باید د ډيموکراټيکي پروسې له لارې واک ولېږدول شي، د قانون خلاف هر ډول وړاندیز موږ ته د منلو نه دی.»

د ډاکټر غني ویاند هارون چخانسوري هم پر خپل وخت د ټاکنو پر ترسره کېدو ټینګار کړی دی.

وال‌سټریټ ژورنال لیکلي، ټرمپ د راتلونکو ولسمشریزو ټاکنو پر ځای د جګړې د ختمولو فکر اخیستی او د سرچینې په قول په بېړه کې دی چې ژر دا جګړه پای ته ورسوي.

سرچینې د یوې امریکايۍ ډيپلوماټې رابن فیل په حواله لیکلي، چې زلمي خلیلزاد هم داکټر غني ته دا غږ ور رسولی خو هغه او ملګرو يې مخالفت کړی دی.

avatar
  ګډون وکړئ  
خبرتیا غوښتل د