افغانستان

سي اين این: افغانستان کې د ټرمپ ستراتيژي ناکامه شوې ده

نن ټکی اسیا (چهار شنبه، ۷لېندۍ، ۱۳۹۷ل): د امريکا سي این این تلويزيون په افغانستان کې د ټرمپ په ستراتيژي او د افغانستان په روانو حالاتو بحث کړی دی او ويلي يې دي چې په افغانستان کې د ټرمپ ستراتيژي ناکامه شوې ده او طالبان ورځ تربلې د پرمختګ په حال کې دي.

سي اين اين په خپل تازه راپور کې ويلي دي چې په افغانستان کې د ټرمپ ستراتيژي د طالبانو په وړاندې ناکامه شوې ده او طالبان تر پخوا ډير په افغانستان کې پياوړي شوي دي او د پرمختګ په حال کې دي.

راپور زياتوي چې د ټرمپ له ستراتيژۍ سره په افغانستان کې کوم مثبت بدلون رانغی مګر لاهم نور حالات کړکيچن شول، د طالبانو تهاجمي او په لويو ښارونو بريدونه زيات شول، سيمې يې ونيولې او د کورنيو او بهرنيو ځواکونو په مرګ ژوبله کې زياتوالی راغلی، چې ددې ټولو امنيتي انديښو د پای څرک لاهم نه ښکاري.

په دې راپور کې د افغانستان د حالاتو څيړونکی سکاټ ډيس ماريس هم پوښتل شوی دی او هغه هم د افغانستان وضعيت تر بل هر وخت خراب او کړکيچن بللی او زياته کړې يې ده چې د ټرمپ ستراتيژي په افغانستان کې له ناکامۍ او زوال سره مخ ده.

ماريس وايي چې د امريکا له پاره دا غوره ده چې د افغانستان مسئله د جنګ په ځای د خبرو اترو له لارې حل کړي، ځکه چې امريکا مونږ وينو چې د افغانستان په جګړه کې له ماتې سره مخ ده او نور نشي کولای چې د افغانستان جګړه پرمخ يوسي.

هغه زياتوي چې د افغانستان د مسئلې له پاره د امريکا ديپلوماتيکې هڅې او د مذاکراتو لاره ښه ګام دی خو وايي چې امريکا په دې برخه کې ټول اړخونه نه دي ارزولي چې ښايي د سولې هڅې دومره ژر بريالۍ نشي.

د يادونې وړ ده چې د افغانستان د مسئلې په اړه اوس امريکا او لويديځ تر بل هر وخت متوجه شوې ده او غواړي چې د افغانستان مسئله د مذاکراتو او خبرو اترو له لارې حل کړي ځکه چې تيرو ۱۷ کلونو جګړو وښودله چې امريکا د جګړې په ډګر کې پاتې راغلې ده.

ټاګونه

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
الحاج استاذ بیانزی

دا نه د جورج بوش، نه د بارک اوباما او نه د ډونالد ترمب ستراتیژی ده، دا دنظم نوین جهانی ستراتيژی ده چه بوش یی د هغه وخت، اوباما د خپلی او ترمپ د خپلی دوری د نظم نوین جهانی د نړیوال حکومت ( دزمکی د خدایی ) تاسیسولو د پاره د پلانو ځانګړی برخه تعقیبوله. هو دا سمه ده چه نظم نوین جهانی مشرتابه دپلانو د فطرت له مخی هماغسی جمهور ریس باندی مخکی له مخکی کار کوی جه د هغه دوری د پلانو د شرایطو سره مساعدت ولری د همدی امله که د رایو په اکثریت وی جورج بوش او ډونالډ ترمپ بایلونکی وو.
په افغانستان کی دټرمپ نه بلکه د نظم نوین جهانی ماتیدنه :
الله ج نړیوالو لوی استعماری قدرتو ته د بریالیتوب تر کچی وخت او چانس ورکړی او بیا یی د یو کمزوری مجاهدینو په مټ ( چه د نورو د پاره دعبرت درس شی ) محوه و نابود کړی د دوی په شان نورو هم د دوی په شان د شرمیدلو ماتو سره مخ شوی .
دا ځل هم نړیوال یهودی استعمار ( نظم نوینی جهانی ) د خپلو څو پیړیو په توانایی فکر کولو چه د سپټمبر د فاجعی په رامنځته کولو او بهانه یولو به افغانستان ا ومنځنی ختیز کی څه ناڅه اسلامی مقاومتو ته د پای ټکی کیږدو او له هغه وروسته به د نړیوال حکومت د تاسیسولو اعلان وکړو چه پایتخت یی هم ورله [ طلبیب ] ټاکلی وو، یعنی د څو پیړیو د حاصلاتو لاسته راوړنه یی وه مګر الله ج یی د مادیاتو له مخی کمزورو طالبانو په لاسو ټولی بڼګی وخیژولی او څرمن یی ورله ویستله.
که دوه داسی پهلوانان په جنګ وی چه سره مساوی او یا د یوه بل وزن او پیاوړتیا ته نزدی وی بایلونکی ډیر نه خوابدی او نه ناهییلی کیږی ځکه دا معمول دی مګر داسی پهلوانان چه وزن او زور یی د مقایسی وړ سره نه وی او هماغه ډير کمزوری ډیر زوراور پرله پسی په زمکه، زمکه کړی نو د هغه زوراور د پاره دغه ناکامی یو ځل ناکامی نه بلکه بیشمیره ناکامی وی چه له دی وروسته باید د چا سره بیا مسابقه او زور ازمایی ونه کړی .
د امریکا او طالب مجاهدینو زور ازمایی د ډیر زور اور او ډیر کمزوری ازمایی وه ، یو اړخ په خبل شمیر ، وسلو او وسیلو لویی کوله او بل اړخ سپیڅلی هدف درلود چه له امله یی پوره ایمان او لوړ مورال درلود.
جنګ وسله نه وسله چلوونکی کوی، هغه وسله چلوونکی چه سپیڅلی هدف لری هغه لوړ مورال لری او د لوړ مورال لرونکی تل ګتونکی وی مننه

Back to top button
1
0
Would love your thoughts, please comment.x
()
x
Close
Close