افغانستان

هلمند؛ یوناما هم هوايي برید کې د ګڼو ملکي تلفاتو پخلی وکړ

نن ټکی اسیا (شنبه، ۱۰لېندۍ، ۱۳۹۷ل): د هلمند په ګرمسېر ولسوالۍ کې په بمباریو کې د ملکي تلفاتو پخلی یوناما هم کړی دی، هغه دفتر چې د ملکي تلفاتو په اړه راپورونه هم خپروي.

د یوناما له دفتره خپاره شوي راپور کې راغلي، چې د ګرمسېر په ځنځیر ډراپ سیمه کې د امریکايي ځواکونو په بمبار کې ۲۳ ملکی وګړي وژل شوي دي.

دغه پېښه تېره اوونۍ وشوه، چې د ځايي اوسېدونکو په قول د یوې کورنۍ د ۱۸ غړو په ګډون پکې ۳۰ تنه ووژل شول.

د هلمند ځايي چارواکو د بمبار پخلی وکړ، خو د تلفاتو په اړه يې څه ونه ویل.

تېره ورځ د امریکايي ځواکونو یو ویاند باریک ملایا وویل، دوی د دولتي ځواکونو په غوښتنه په سیمه کې بمبار وکړ.

هغه د ملکي تلفاتو او حتی د دې تلفاتو د څېړنې په اړه هم څه ونه ویل او بې تبصرې يې پرېښودل.

د ولسي جرګې غړی عبدالودو پوپل وايي، په دې بمبار کې ۳۰ تنه وژل شوي، چې د یوې کورنۍ یوازې یو ټپي ماشوما پاتې شوی دی.

تر هغه وړاندې هم د هلمند په نادعلي ولسوالۍ کې بمبار ۱۶ ملکي وګړو ته مرګ‌ژوبله واړوله، چې ځايي چارواکو يې هم تایید وکړ.

یوناما پخپل راپور کې ويلي چې په روان میلادي کال کې د هوايي بریدونو له امله ملکي تلفات دومره لوړ شوي چې په تېرو اتو کلونو کې يې ساری نه لیدل شوی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x