دمشق: بشارالاسد عادل صفرته دنده سپارلي ترڅو سوریه کي نوي حکومت تشکیل کړي

نن ټکی اسیا مارچ ۲۰۱۱/۰۳) دسوریی ولسمشر بشارالاسد دکرني پخواني وزیر عادل صفر ته دنده سپارلیده ترڅو په هیواد کي نوي حکومت تشکیل کړي، ښاغلي اسد تیره دوشنبه کابینه تحلیل کړه او دسوریی له ولس سره یی ژمنه وکړه، چي هیواد کي به نوي سیاسي اصلاحات راولي، سوریه کي  له راپورته شوی تاو اوتریخوالي څخه وروسته چي څه دپاسه ۶۰ مظاهره کونکي پکي  وژل شوي ول، بشارالاسد دي ته اړکړ ترڅو دهیواد په سیاست کي څه ناڅه اصلاحات راولي. له بلي خوا خبرونو کي راغلیدي، په داسي وخت کي چي اسد و عادل سفر ته دنده سپارله چي هیواد کي اصلاحات راولي، دسوریی و پلازمیني دمشق ته څيرمه د دوما په سیمه کي د هغو ۱۵ وژل شویو کسانو دښخولو په مراسمو کي په زرهاوو کسانو شرکت کړي وه کوم چي تیره جمعه دپولیسو له لوري په ډزو سره وژل شوي ول.

دبی بی سي خبریاله لینا سینجاب له سیمه څخه خبرورکوي چي د وژل شوو کسانو له ښخولو څخه وروسته په زرهاوو لاریون کونکو دحکومت په خلاف یو وار بیا په مظاهرو لاس پوري کړ او له ښاغلي اسد څخه یی دواک دپریښیدو غوښتنه کوله، سیاسي شنونکي وایی په سوریه کي رواني مظاهري اولاریونونونه داسد دکورني په ۴۰ کلن تاریخ کي تر ټولو دردونکي او ویره ونکي پیښه ده او ګمان کیږي چي روانه ستونځه به داسد کورني له سختو کړاوونو سره مخ کړي، په سوریه کي مظاهرو او لاریونونو هغه وخت زور واخیست کله چي دولت هغه زدکونکي  ونیول چي ددرعا په ښارکي یی  پردیوالونو باندی ددولت ضد شعارونه لیکل، لیکن بشارالاسد وایی چي دسوریی په روانو حالاتو کي بهرنیان لاس وهنه کوي.
بخت الرحمن بخت ……………………..نن ټکی اسیا