افغانستان

نيويارک ټايمز: بهرنيو ځواکونو افغان عسکر په وهلو وژلی

نن ټکی اسیا (شنبه، ۱۷لېندۍ، ۱۳۹۷ل): په هرات ولايت کې د چکسلواکيه هیواد د عسکر د وژنې په تور بهرنيو ځواکونو يو افغان عسکر په وهلو وهلو وژلی.

د امريکا نيويارک ټايمز مجلې د «تهامس ګیبونز» يو تازه مطلب خپور کړی دی چې په هرات ولايت کې يو افغان عسکر چې د چک هیواد د عسکر د وژلو تور پرې و د خپلو افغان ملګرو له لوري بهرنيو ځواکونو ته سپارل شوی و چې هغوی له سختو وهلو او شکنجو وروسته بيرته افغان عسکرو ته د بيهوشۍ په حالت کې وسپاره چې له څه وخت وروسته يې ساه ورکړه.

ليکوال ليکلي چې د وحيدخان په نامه دا افغان عسکر چې د اکتوبر په ۲۲ مه نېټه په بهرنیو عسکرو ډزې وکړې د افغان ځواکونو له لوري ونيول شاو بهرنيو ځواکونو ته وسپارل شو.

په دغه پيښه کې چې د امريکا ځانګړو ځواکونو يوې قطعې «ګرین بیرټس» هم برخه درلوده چې افغان عسکر يې تر مرګه وهلی و.

د مطلب لیکوال وايي چې په دې پيښې سره په افغانستان کې د بهرنيو ځواکونو د جګړي اخلاقو او اصولو په اړه ګڼې پوښتنې راپورته شوي دي او زياتوي چې د امريکا د دفاع وزارت او قانون جوړونکي بايد په دې اړه جدي پلټنې وکړي.

په مطلب کې دا نه دي څرګند شوي چې دا پيښه کله او د هرات په کومه سيمه کې رامنځته شوې ده خو داسې بريښي چې دا پيښه دې په نژدې تير کې رامنځته شوې وي.

د يادونې وړ ده چې تر دې وړاندې هم يو شمير افغان عسکرو هم په بهرنيو ځواکونو مرګوني بريدونه کړي دي خو د افغان يا بهرنيو عسکرو په ځوابي ډزو کې هغوی هم خپل ژوند له لاسه ورکړی دی خو ډیر کم يې د امنيتي ځواکونو لاسونو ته ورغلي دي.

وحید خان د ننګرهار ولایت اوسیدونکی او د ملی اردو عسکر وو،د اکتوبر په میاشت کې یې د د هرات په شینډنډ هوایي میدان کې د چکسلواکیه په عسکرو ډزې کړي وي او ورسته د افغان عسکرو لخوا ژوندی نیول شوی وو او ناټو عسکرو ته سپارل شوی و.

تر دې وړاندې د عبدالصبور په نامه يو افغان عسکر هم په کاپيسا ولایت کې په فرانسوی عسکرو بريد کړی و چې ۴ عسکر يې وژلي او ۱۸ يې نور ټپيان کړي وو چې بیا په ۲۰۱۲ زيږديز کال کې د مرګ په سزا محکوم شوی و.

تر اوسه د هرات چارواکو په دې ولايت کې د وژل شوي افغان عسکر د وژنې په اړه څه نه دي ویلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x