فراه؛ طالبانو شیب‌کوه ولسوالۍ ونیوله

نن ټکی اسیا (چهارشنبه، ۲۱لېندۍ، ۱۳۹۷ل): طالبان وايي د فراه ولایت شیب‌کوه ولسوالۍ او اړونده تاسیسات يې بشپړ نیولي دي.

طالب ویاند ذبیح الله مجاهد پخپله ټویټر پاڼه لیکلي، چې یاده ولسوالۍ او اړوند ودانۍ يې ټولې نن سهار د دوی د سرتېرو له لوري ونیول شوې.

هغه لیکلي: «نن سهار د فراه ولایت شیبکوه ولسوالۍ ودانۍ، امنیه قومندانۍ، د استخباراتو ریاست او ټول مرکزونه په بشپړه توګه فتحه شول.»

تر اوسه د فراه ځايي چارواکو په دې اړه څه نه دي ويلي.

طالبان, ویلي دولتي ځواکونو ته يې دروند زیان اړولی او ګڼ يې په تېښته بریالي شوي دي.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د