افغانستان

ارګ: دولتي پلاوی طالبانو سره د کتلو له پاره دوبۍ ته ورسېد

نن ټکی اسیا (سه شنبه، ۲۷ لیندۍ، ۱۳۹۷ل): د افغانستان حکومت وايي چې د عبدالسلام رحيمي په مشرۍ د حکومت يو پلاوی له طالبانو سره د کتلو له پاره د متحده عربي امارتو پلازمينې ابو ظبۍ ته ورسېد.

له ارګ څخه په خپره شوې خبر پاڼه کې راغلي دي چې د عبدالسلام رحيمي په مشرۍ د حکومت دا پلاوی به له طالب استازو سره له نږدې وګوري او په نږدې راتلونکې کې به د طالبانو او حکومت ترمنځ د مخامخ ناستې له پاره د زمينې برابرولو خبره وکړي.

خبر پاڼه زياتوي چې د حکومتي پلاوي مشرعبدالسلام رحيمي د امريکا د بهرنيو چارو وزارت ځانګړي استازي زلمي خليلزاد سره کتلي او له دې وروسته به د سعودي عربستان او متحده عربي امارتو له استازو سره هم وګوري.

تيره ورځ هم په ارګ کې د سولې مشورتي بورډ لومړنۍ غونډه وشوه او په کې له طالبانو سره د مخامخ کيناستو او بين الافغاني مذاکراتو په اړه خبرې وشوې.

د یادونې وړ ده چې تر دې وړاندې هم حکومت له طالبانو سره د بين الافغاني مذاکراتو او مخامخ خبرو کولو يادونه کړې ده خو طالبان وايي چې له حکومت سره ځکه مذاکرات نه کوي چې دوی خپلواک نه دي او د مذاکراتو د کولو صلاحيت نه لري.

په متحده عربي اماراتو کې د افغانستان د قضيې د حل په موخه غونډه تيره ورځ جوړه شوې ده چې په کې د طالبانو، متحده عربي امارتو، سعودي عربستان او امريکا استازو ګډون کړی دی چې دا غونډه به نن په دوهمه ورځ هم دوام لري.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
جميل

هلته به يو سو امارتي چپراسيانو سره وگوري دوى نه يوازي دا چي دير احمق دي خو دير سپين سترگي او بي حيا هم دي، طالبانو په كراتو ويلي چي د بيواكه غلامانو سره كتل د وخت ضياع ده خو دا بي همته بيا هم همدا سرنا وهي امريكايانو له طالبانو هيله كريوه چي زما غلامان هم پريژدى چي په مزاكراتو كي گدون وكري، طالبانو و نه منله بيا يي له طالبانو و غوشتل چي دوى منحيث د ناظر ومنى په يو كونج كي به ناست وي او د خبرو حق به نلري، طالبانو داهم ونه منل ،نو داسي شكاري… نور لوستل »

Back to top button
1
0
Would love your thoughts, please comment.x
()
x