افغانستان

غزني؛ د ولسي جرګې د ټاکنو لپاره هیڅ تیاری نه سترګو کېږي

نن ټکی اسیا (شنبه، ۱مرغومي، ۱۳۹۷ل): غزني کې د ټاکنو کمیسیون مسؤلین وايي تر اوسه يې ان د دې ولایت په مرکز کې تیاری نه دی نیولی.

د دې کمیسیون عملیاتي مرستیال کریم جمال وايي، دوی تر اوسه په دفتر کې کارکوونکي او مواد لا هم نه لري.

هغه د دې تر څنګ دا دعوه هم وکړه چې څو میاشتې وړاندې د ولسي جرګې د ټاکنو لپاره د نوم‌لیکنې بهیر غزني ښار کې یو څه ترسره شوی دی.

غزني کې وروسته له هغه د ولسي جرګې ټاکنیزه پروسه له بن‌بست سره مخ شوه، چې اوسېدونکو يې په ټاکنیز دفتر کې پر ګمارنې نیوکې وکړې.

له هغه وروسته د دې ولایت پر مرکز د طالبانو پراخ برید هغه پېښه وه، چې د ټاکنو پروسه يې لا هم شاته ټېل وهله.

د ټاکنو کمیسیون څو ورځې وړاندې اعلان وکړ، چې د غزني ټاکنې به له ولسمشریزو ټاکنو سره یو ځای ترسره شي، د ولسمشریزو ټاکنو لپاره د نوماندانو نوم‌لیکنه نن پیلېږي.

غزني کې د ټاکنو کمیسیون مسؤلین وايي د رایه ورکوونکو نوم‌لیکنه به د مرغومي په ۱۵مه ترسره شي.

په ورته وخت کې د غزني مدني فعالان په ژمي کې د ټاکنیز بهیر پیل ستونزمن بولي او هم له څو محدودو ولسوالیو پرته په ټولو کې د طالبانو پراخ نفوذ بله اندېښنه ګڼي.

تر اوسه لا هم ولسي جرګه کې د غزني هغه وکیلان استازیتوب کوي، چې نږدې نهه کاله وړاندې ټاکل شوې او ټول يې په دې ولایت کې له یو اقلیت قوم څخه دي.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close