نړۍ

د امريکايي حکومت د لسګونو ادارو چارې ځنډول شوي

نن ټکی اسیا (شنبه، ۱مرغومي، ۱۳۹۷ل): د امریکا ولسمشر ډونلډ ټرمپ او کانګريس غړو ترمنځ د تړونونو د ناکامۍ له امله روان کال کې دا د رېيم ځل دی، چې د ټرمپ حکومت يو شمېر څانګو فعاليتونه ځنډول شوي دي.

د فرانسې اې ايف پي خبري اژانس ليکلي، د مکسيکو سرحد سره د اوږده ديوال جوړولو د لګښتونو په اړه کانګريس د ټرمپ غوښتنه رد کړې، چې له امله يې د ټرمپ ادارې د ټول حکومت د لسګونو څانګو فعاليتونو ځنډولو اعلان کړی دی.

د سپينې ماڼۍ او کانګريس غړو ترمنځ د سرحدي ديوال جوړولو د لګښتونو په اړه مذاکرات د تېرې شپې تر دولسو بجو روان وو، چې د دغو مذاکراتو د ناکامۍ له امله د ټرمپ حکومت ډېری اهمو ادارو کارونه ځنډول شوي دي.

ولسمشر ټرمپ د حکومتي ادارو د ځنډولو پړه پر ډيموکراټانو اچولې ده.

د يادونې وړ ده، چې ټرمپ د مکسيکو پر سرحد د اوږده ديوال لپاره د پنځو ميلياردو ډالرو غوښتنه کړې وه، خو د ډيموکراټانو له لوري يې ټينګ مخالفت شوی و، د سپينې ماڼۍ او کانګريس ترمنځ د تړون نه کېدو له امله د ټرمپ ادارې لسګونو فدارلي ادارو ته د بودجې ځنډولو پرېکړه کړې  ده.

د دغو ادارو د کار ځنډولو له امله به شاوخوا اته لکه مامورين د کرسمس رخصتيو پورې له تنخوا پرته کار کوي او يا به هم رخصتي کوي.

 د روان ۲۰۱۸ کال  له پيله درې ځله د ټرمپ حکومت لسګونه ادارې فلج شوي دي.

د ټرمپ ادارې لسګونه ادارې د روان کال جنورۍ کې  هغه مهال د لنډې مودې لپاره فلج شوې، چې د سپينې ماڼۍ او کانګريس ترمنځ د حکومتي لګښتونو په اړه هوکړه ونه شوه، چې په پایله کې يې د سپينې ماڼۍ د چارو ادارې او د پوځ يو شمېر څانګې فلج شوې وې.

ورپسې د فبرورۍ په نهمه هم د حکومت ګڼې ادارې فلج شوې، خو ولسمشر ټرمپ د کانګريس خبره ومنله او د حکومت چارې بېرته عادي حالت ته راوګرځېدې.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x