افغانستان

افغانستان څخه د امريکايي عسکرو د وتلو په اړه د ولسي جرګې انديښنه

نن ټکی اسیا (شنبه، ۱مرغومي، ۱۳۹۷ل): د ولسي جرګې غړو له افغانستان څخه د ۷۰۰۰ امريکايي عسکرو د احتمالي وتلو په اړه انديښنه وښوده او ويې ویل چې امريکا بايد د سولې په اړه د يو قوي ضمانت له ورکولو مخکې خپل عسکر له افغانستان څخه ونه باسي.

د ولسي جرګې غړي کمال ناصر اصولي وويل چې له امريکايانو څخه په واضح ډول غواړو چې امنيتي ځواکونه تجهيز کړی او د سولې په برخه کې افغان ولس ته قوي ضمانت ورکړي، ترڅو په راتلونکې کې افغانستان له نورو ستونزو سره لاس او ګريوان نه شي.

د حي ګل سلیمانخيل په نامه د ولسي جرګې يو غړي بيا د امريکايي عسکرو د وتلو په اړه ويلي دي چې دا د افغانانو په حق کې ظلم دی او زياته کړې يې ده چې ترڅو افغان امنيتي ځواکونه په بشپړه توګه د امريکايانو له لوري تجهيز شوي نه وي له افغانستان څخه د امريکايي عسکرو وتل د افغانانو په حق کې ظلم دی.

دا په داسې حال کې ده چې تيره ورځ د ارګ وياند هارون چخانسوري په خپل ټويټر پاڼه ليکلي وو چې له افغانستان څخه به د امريکايي عسکرو احتمالي وتل په افغان امنيتي ځواکونو هيڅ منفي اغيز ونه کړي.

چخانسوري ويلي وو چې افغان امنيتي ځواکونه دا وړتيا لري چې له افغانستان څخه دفاع وکړي او د امريکايي عسکرو احتمالي وتل به په هغوی هيڅ اغيز ونه کړي.

د يادونې وړ ده چې تيره ورځ يو شمير امريکايي رسنيو د امريکايي چارواکو په حواله خبر ورکړ چې د امريکا دفاع وزارت په پلان کې لري چې په نږدې راتلونکې کې له افغانستان څخه ۷۰۰۰ امريکايي عسکر وباسي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
عبدالمالک همت

دا اندېښنې بې ځايه دي، پرېږدئ چي امريکا خپل پوځيان وباسي. موږ به که خدای کول سره جوړ سو. وايي: دوه به سره جوړ سي، د درېيم دي مخ تور سي.
پخوا هم عامو افغانانو په خپلو منځو کي جنګ نه کاوه، بلکي، ځينو د پردو ايجنټانو د هغو په کومکونو او وسلو جنګ کاوه ، دا ځل عام افغانان پوه سوي دي او طالبان هم ورادګښته ښه پوه او چمتو دي، دغسي کسان که دا مازي ځان وښوروي ولس او د ولس اتل استازي طالبان به يې هر عمل په نطفه کي ورخنثی کړي.

Back to top button
1
0
Would love your thoughts, please comment.x
()
x