نواز شريف د مالي فساد په تور په اووه کاله بند او ۲۵ لکه پاونډه جريمې محکوم شو

نن ټکی اسیا (دوشنبه، ۳مرغومی، ۱۳۹۷ل): د پاکستان پخوانی صدر اعظم او د مسلم ليګ نواز ګوند مشر د مالي فساد په تور په اووه کاله بند او درنې مالي جريمې محکوم شو.

د پاکستان د احتساب محکمې په ۲۰۱۷ کال کې  نواز شريف په لندن کې د خپلو پارټمانونو لرلو په تور له لومړي وزارت او سياست څخه نااهله کړی و، خو محکمې نن په هغه دوسیه کې نوموړي ته برائت ورکړ، خو د العزيزيه ملز په نوم د فولادو کمپنۍ د ملکيت پټولو په تور په اووه کاله بند او ۲۵ لکه برتانوي پاونډه مالي جريمه محکوم کړی دی.

محکمې په خپلې پرېکړې کې ويلي چې د لندن جايدادونو په اړه د نواز شريف پر ضد کره اسناد نشته، په هغه دوسيه کې يې برائت ورکړی، خو د العزيزيه ملز ملکيت پټولو په تور يې اووه کاله بند او مالي جريمې محکوم کړی دی.

محکمې د نواز شريف د جايدادونو د ضبطولو پرېکړه هم کړې ده، خو تر اوسه دا نه ده روښانه، چې د هغه کوم جايدادونه به ضبط کيږي.

د قاضي له پرېکړې وروسته پوليسو نواز شريف د محکمې له ودانۍ ونيو او د راولپنډۍ اډياله زندان ته يې ولېږداو.

قانونپوهان وايي، چې نواز شريف د محکمې د دې پرېکړې پر ضد د اسلام اباد مرافعې  محکمې ته رجوع کولی شي.

د نواز شريف مدافع وکيل خواجه حارث له محکمې غوښتي، چې نواز شريف دې د اډياله زندان پر ځای  د لاهور زندان ته ولېږدول شي.

د خواجه حارث په وينا د هغه موکل د زړه ناروغ دی او ډاکټران يې په لاهور کې دی، خو قاضي وويل، چې دا پرېکړه به د روغتيايي ډاکټرانو ټيم له تاييد وروسته کيږي.

د  نواز شريف د محاکمې پر مهال د هغه د ګوند لسګونه لوړپوړو مشرانو سربېره سلګونه نور پلويان هم راغلي وو، چې د محکمې د پرېکړې پر ضد يې نارې وهلې، چې وروسته د پوليسو له لوري پرې اوښکې بهوونکی ګاز وکارول شو او ټول يې سره تيت و پرک کړل.

نواز شریف ويلي، چې ده خپل جايدادونه خپلو زامنو ته پريښي، دی سياست کوي او او په دې اړه يې د محکمې هغه تورونه له ضد او کينې  ډک بللي، چې دی يې د جايدادونو په پټولو  تورن کړی دی.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
عبدالمالک همت
میلمه
عبدالمالک همت

توبه له ازميښته د لوی څښتن سبحانه دا وينا څومره حق، رښتيا او دقيقه ده : ﴿ قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ (26)﴾ [آ عمران: ۲۶]. ژباړه: (اى نبي! لوى څښتن ته په دعا کي) ووايه چي:”اى الله ! او اى د ټول واک څښتنه! (ته هغه ذات يې چي) چا ته دي خوښه سي (په ځمکه کي) واک (حکومت او شتمني) وربخښې او له چا څخه چي وغواړې واک (حکومت او شتمني) اخلې او چاته چي وغواړې (په دنيا… نور لوستل »