د نن سرلیکنه

د طالبانو دیپلوماتیک ظهور دهغوي د سیاسي موفقیت محصول

نن ټکی اسیا – سرلیکنه:

وروسته تر دې چې پرون خبري رسنیو تهران ته د طالبانو د یوه دييلوماتیک پلاوي د رسیدو خبر ورکړ ښاغلی ذبیح الله مجاهد نن د یوې اعلاميي په صادرولو سره تهران ته د خپل دیپلوماتیک پلاوي سفر رسما تائید کړ.

د طالبانو لخوا په صادره کړل شوې اعلامیه کې ویل شوي چې ایران ته د دوی د استازیو سفر د هغو دیپلوماتیکو هڅو له جملې څخه ګڼل کیږي چې د سیمې اسلامي هیوادونو ته یې پیل کړي او موخه یې له امریکايي اشغال نه وروسته د افغانستان د اړونده موضوعاتو په اړه بحث کول دي.

له امریکايي چارواکو سره د مقدماتي خبرو له پیل نه وروسته دا د طالبانو د سیاسي استازیو دوهم ښکاره ديپلوماتیک سفر دی چې تر سره کوي یې.

د تیر نومبر په نهمه طالبانو د مسکو په هغه غونډه کې ګډون وکړ چې د روسیې فدراسیون او امریکې په شمول د ۱۲ هیوادونو لوړ پوړو چارواکو ورکي ګډون درلود.

په یاده غونډه کې طالب ديپلوماتان په سیاسي او تبیلغاتي لحاظ ډیر وځلیدل او ویې کړای شول چې د یادې غونډې له سټیج نه خپل سیاسي پیغام نړیوالو ته ورسوي.

د طالبانو په مقابل کې د امریکا پوځي ناتواني د افغانستان ګاونډي او سیمه ییز هیوادونه دیته اړکړل چې د راتلونکي افغانستان په اړه له طالبانو سره سر له اوسه سیاسي اړیکي ونیسي.

دا کار د طالبانو د پوځي بریا ترڅنګ د هغوی داسې سیاسي موفقیت ګڼل کیږي چې له امریکایانو سره په روان مذاکراتي بهیر کې ترې د ديپلوماتیک تفوق په توګه مؤثره استفاده کولای شي.

د ديپلوماتیکو هڅو په جمله کې تهران ته د طالبانو د سیاسي پلاوی سفر او له ایراني چارواکو سره تر اشغال وروسته افغانستان په اړه د هغوی بحث کول د دې ښکارندويي کوي چې طالبان له امریکایانو سره د پیل کړي مذاکراتي بهیر له پایلو څخه ډاډه او په دې لټه کې دي چې تر امریکايي اشغال وروسته د خپل موقف په اړه د افغانستان ګاونډیان سر له اوسه ډاډه کړي.

ټاګونه

ورته لیکنې

ګډون وکړئ
خبرتیا غوښتل د
guest
5 Comments
زړو
نویو ډیرو خوښو شویو
Inline Feedbacks
ټولې تبصرې کتل
جميل

محترمو د پاڼی چلوونکو السلام عليکم ورحمته الله و برکاته ؛
زه ليکونکی نيم ، زما يوازنی مطلب د تبصری ليکلو دادی چی که وکولای شم څه اجر وګټم ، پرهره تبصره می د دنيوی او د اخروی د کار وخت مصرفيږی ، زه يوازی دا پوهيدل غواړم چی ستاسو پاڼه څو ليدونکی لری .
وسلام

عبدالواحد اڅګزۍ

دکمونسټ منافق حکومت سره باید هیڅ وخت خبری ونه سی:- دوی په چل اوپریب داشغال موده اوږدوی دوی دخپل جنایت اوقتلوپرمخ پرده اچوی له دوی څخه دخیرامید ناممکن دۍ دوی مفسدین فی الارض دی قرآن کریم دوی ښیی چه ددوی په زړوکی ناجوړی ده مسلمانان باید فرقرآن عمل وکی که عمل پرونه کی ځانته نورتاوان اړوی الله بی نیازه دۍ موږته یی په قرآن کی هدایت کړۍ دۍ – وګورۍ داوودخان خلکیانواوپرچمیانوته موقع ورکړه انجام یی څشی سو،محمد مورسی دمصروزیردفاع ملحد وټاکۍ انجام یی څشی سو،امام خومینی نجس ملحدین(توده)له ملکه وشړله ترننه یی اسلامی حکومت کامیابه روان دۍ، موږ الله په غیبومنلۍ دۍ باید هیڅکله دده له اوامروسرکښی ونکوخیردخپله زهنه ونه سنجووپرقرآن عمل وکړو الله په قرآن کی فرمایی:
يٰۤاَيُّهَا النَّبِىُّ جَاهِدِ الۡـكُفَّارَ وَالۡمُنٰفِقِيۡنَ وَاغۡلُظۡ عَلَيۡهِمۡؕ وَ مَاۡوٰٮهُمۡ جَهَـنَّمُؕ وَبِئۡسَ
‏ الۡمَصِيۡر سوره التوبه ۷۳معنی: اۍ نبی جهادوکه دکفارواومنافقینوسره اوسختی کوه پردوی اوځای ددوی جهنم دۍ اوهغه ډیربدځای دۍ دواپس تلو.ترکتابی کفاروپرمنافقینوچه داخلی دی جهاد ډیرضروری دۍ نه صلح.له دوی څخه بایدحطماً ملک پاک سی که پاک نسی نتجه یی دطالبانودپخوانی حکومت کیږی دپخوانی حکومت دمنځه تلل تصادفی ندی دالله داحکامونافرمانی ده الله پرموږ اسلامی قانون دقرآن درویه فرض کړۍ دۍ که یی زده نکواوعمل پرونکو داسی نتجه یی راوزی خواست کوم ټولومسلمانانوته چه قرآنکریم په معنی زده کۍ اوعمل پروکۍ قرآنی هدایت اواوامردږیرواولباسوسره هیڅ ارتباط نلری عمل اونیکۍ ته اړه لری.په احترام عبدالواحد اڅګزۍ

جميل

دا سفرونه او ليدنی کتنی به ډيری شی ، په سيمه کی د امريکايانو په مقابل لوی انزجار رامنځته شوی ، نه يوازی په سيمه کی په ټوله نړی کی له امريکا نه نفرت په ډيريدو دی ، کاناډا او مکزيکو چی يې همسايه ګان دی ، اروپا چی يی مديون دوست و ، ټوله يو وبل ته داړی چيچی ، عرب هيوادونه هم متزلزل شوی ، روس او چين په پړسيدو دی ، په ټولو اسلامی هيوادوکی مسلمان د ذلت احساس کوی او پړه امريکا بولی .
څنګه چی نړی او تاريخ يی تل په تغيير کی دی اوس هم د تاريخ نوی پاڼه په اووښتو ده ، د دی پاڼی د اووښتولمړی لوی زيری به دا وی چی پسله ډيره وخته او له ډيرو جګړو او زوروهنی وروسته په يوهيواد کی د اسلامی نظام وړانګی وځليږی ، د دی ځلا به دومره ډيره وی چی نور هيوادونه به هم په رڼا شی انشاءالله

لونګ

طالبانو د خپلی واکمنی په وخت کی سیاسی موفقیت حاصله نکړ نو دا دوه دریو مملکتو ته چی ور منډی وهی څه موفقیت به تر لاسه کړي؟ هغوی لا پخوا دنیا والو ته ځانونه ښودلی دی چی نه د سیاست خلک دی او نه هم په دبيلوماسی پوهیږی.

Karwan

هرچاته داسي ## فکر مه کوه لکه خپله چه ئي. طاليبان په هر ځه ښه پوهيږي او دائي ټولي نړي ته وښوده. وخت ته به ګورو او بيا به هرځه معلوم شي. کاروان

Back to top button
5
0
Would love your thoughts, please comment.x
()
x
Close
Close