ورزش

بي پي ايل: د حضرت ځاځي ۷۸ منډو يې لوبډلې ته ستره بريا ورکړه

نن ټکی اسيا (شنبه، ۱۵ مرغومی، ۱۳۹۷ل): د بنګلديش پريمئير ليګ په دويمه سيالۍ کې د افغانستان ځوان نامتو چټک چپ لاسي توپوهونکي حضرت الله ځاځي په دويمه سيالۍ کې په زړه پورې تړپوهنه وکړه او ۷ سترې شپږيزې يې ووهلې.

حضرت الله ځاځی چې په ياد ليګ کې ډهاکه ډايناميټس لوبډلې لخوا لوبيږي د اوپنر توپوهونکي په حيث پېل وکړ او په يوازې ځان يې په ۴۱ توپونو ۷۸ چټکې منډې جوړې کړې، نوموړي ۷ شپږيزې او ۴ څلوريزې هم ووهلې.

د نوموړي لوبډلې په ۲۰ اورونو کې ۱۸۹ منډې جوړې کړې، د ځاځي سربېره سنيل ناراين هم ښه توپوهنه وکړه او ۳۸ منډې يې وکړې.

سوکه توپ اچونکی قيس احمد چې په سيال لوبډله کې لوبېد ۴ اورونه وکړل، يوه يې ويکټه واخيسته او ۲۹ منډې يې ورکړې.

په ځواب کې د قيس احمد لوبډلې «راجشاهي کينګز» د ټولو لوبغاړو په سوځېدلو يوازې ۱۰۶ منډې جوړې کړې او د ۸۳ منډو په ستر توپير يې ماتې وخوړه.

حضرت الله ځاځی په غوره توپوهنه د لوبې غوره لوبغاړی وټاکل شو، له دې وړاندې په لومړۍ سيالۍ کې محمد شهزاد ۲۷ منډې جوړې کړې وې او بريا يې خپله کړې وه.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x