افغانستان

طالبان: له امريکا سره د سولې خبرې ښې روانې دي

نن ټکی اسیا (یکشنبه، ۱۶مرغومي، ۱۳۹۷ل): طالبانو ويلي، له امريکا سره يې د سولې خبرې ښې روانې دي او په عين حال کې  يې ټينګار کړی، چې د بهرنيو پوځيانو د اشغال تر پايه به خپل وسله وال مقاومت ته دوام ورکوي.

د طالبانو وياند ذبيح الله مجاهد امريکا غږ راډيو سره په مرکه  کې ويلي، چې له امريکا سره د خبرو نوې مرحله راروانه ده، خو د دغو خبرو کره ځای او  وخت يې نه دی اعلان کړی.

ذبيح الله مجاهد يو ځل بيا د ګډ حکومت له استازو سره هر ډول ناستې او د جدې په ښار کې د سولې غونډه کې له ګډونه انکار کړی دی.

د تېر کال دسمبر په ۱۷ او ۱۸مه د افغانستان سولې لپاره د امریکا د بهرنيو چارو وزارت خاص  استازي زلمي خلیلزاد په ابوظبۍ کې د طالبانو له استازو سره د سولې په موضوع خبرې کړې وې.

په دغه ناسته کې د پاکستان، متحده عربي اماراتو او سعودي استازو م ګډون درلود.

د طالبانو وياند زياته کړې، چې له امريکا سره يې د سولې خبرې ښې روانې دي، خو د دې خبرو د بريا لپاره د امريکايي پوځيانو وتل  اړين دي.

طالبان  ټينګار کوي، چې د سولې لپاره د بهرنيو پوځيانو وتل د دوی اساسي شرط دی او د وروستي بهرني پوځي تر شتونه به خپل وسله وال مقاومت ته دوام ورکړي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
جميل

خود به له امريکا سره خبری ښی روانی وی .
امريکا ماته ده په مړ سرلکه چغال له ميدانه تښتی ، طالبانو ګټلی ده پر ميدان لکه زمريان ورته ولاړ دی ، تر دی لا ښه .
ترهغه وخته يی پر سرسر وهی چی يو عسکر يی هم پاته وی ، چی د غلامانو يی له وتلو مخکی غړی وتښتی .

Back to top button
1
0
Would love your thoughts, please comment.x
()
x