افغانستان

خوست کې چاودنې ۲۵کسانو ته مرګ ژوبله اړولې

نن ټکی اسیا (سه شنبه، ۱۸مرغومي، ۱۳۹۷ل): د خوست ولايت په مرکزي ښار کې سپين جومات ته څېرمه د چاودنې له امله ۲۵ تنو مرګ ژوبله اوښتې ده.

دا چاودنه چې نن غرمه مهال د ملکي وګړو د ګڼې ګوڼې په سیمه کې هغه مهال وشوه چې خلک په خپلو ورځينو چارو بوخت و چې له امله يې ۲ تنه وژل شوي دي او ۲۳ نور ټپيان دي.

د خوست د ملکي روغتون مشر ډاکټر سخي سردار وايي چې د پيښې له ځايه ورته د دوو ملکي وګړو جسدونه او ۲۳ نور ټپيان وروړل شوي دي.

د خوست امنيه قومندانۍ پيښه تائيد کړې ده خو د تلفاتو په اړه يې څه نه دي ويلي.

ددې چاودنې مسؤليت تر اوسه کومې ډلې په غاړه نه دی اخيستي.

د يادونې وړ ده چې تيره ورځ په پکتيکا ولايت کې هم د خلکو په ګڼه ګوڼه کې د چاودنې له امله ګڼ شمير ملکي وګړي مړه او ټپيان شوي وو.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
جميل

انالله و انا اليه راجعون ، دا د بليك واتر درامى به هم پاى ومومى ان شاءالله

Back to top button
1
0
Would love your thoughts, please comment.x
()
x