افغانستان

سرچينه: په قطر کې د سولې ناستې لغوه کولو په اړه د رویټرز راپور اساس نه لري

نن ټکی اسیا (سه شنبه، ۱۸مرغومي، ۱۳۹۷ل): رویټرز خبري اژانس ليکلي، چې طالبانو له امريکايي ‏ډيپلوماټانو سره کېدونکې د سولې هغه ناسته کې ګډون لغوه کړی، چې ټاکل شوې وه سبا چهارشنبه په قطر ‏کې پيل شي، خو د طالبانو مذاکراتي ټيم ته یوې نیژدې سرچينې نن ټکی اسيا ته وویل چې خبرې لغوه شوې نه دي، البته د ځینو خنډونو له امله ځنډ په کښي راغلی دی.

طالبانو تر اوسه په دې اړه رسما څه نه دي ويلي، خو رویټرز خبري اژانس د طالبانو د سرچينو ‏په حواله ليکلي، چې طالبانو د دوحې په سبانۍ ټاکل شوې غونډه کې ګډون لغوه کړی دی.‏

رویټرز په دې اړه نور جزيات نه دي ورکړي.‏

ددې تر مخه یوې بلې سرچینې نن ټکی اسیا ته ویلي وه چې د نهم تاریخ غونډه هم نه ده لغوه شوې او هغه به پر خپل وخت تر سره کیږي، او د رویټرز خبر یې بې اساسه بللی و.

ددې خبر تر نشر وروسته هم یو شمیر نورو باخبرو سرچینو نن ټکی اسیا ته وویل چې غونډه لغوه شوې نه ده خو د ځینو ملحوظاتو له وجې ځنډېدلې ده.

بلخوا رویټرز او الجزيرې انګليسي څانګې ويلي، چې طالبانو د سيمه‌ييزو هېوادونو هغه غوښتنه ‏هم رد کړې، چې په دغه ناسته کې د افغان حکومت د ګډون لپاره يې کړې ده. طالبان ‏ټينګار کوي، چې د اوولس کلنې جګړې بنسټيز لوری امريکا ده او بايد لومړی له امریکا سره ‏خبرې وشي.‏

تر دې وړاندې ځينو رسنيو ويلي و، چې د طالبانو او امریکا بله ناسته په جده کې کيږي، خو ‏طالبانو د جدې ناسته کې ګډون رد کړی و، چې له امله يې غونډه هم پاتې شو.‏

د طالبانو مذاکراتي ټيم سرچينو نن ټکی اسيا ته تاييد کړې وه، چې سبا چهارشنبه او پنجشنبه په ‏قطر کې د افغانستان سولې لپاره د امریکا د بهرنيو چارو وزارت خاص استازی زلمی خلیلزاد د ‏طالبانو له استازو د سولې په اړه څلورمه ناسته کوي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x