مشهور تفسیر(صفوة التفاسیر) په معیاري پښتو چاپ شو

د اسلامي نړۍ د وتلي عالم شیخ التفسیر محمد علي الصابوني شاهکار اثر ( صفوة التفاسیر) تازه په تازه په معیاري، روانه او آسانه پښتو له چاپه راوتلی.

د صفوة التفاسیر پښتو ژباړه د هیواد تکړه عالم او په پښتو او عربي ژبو د قلم خاوند مولوي شمس الله کمال زاده صاحب کړې چې په دې نږدې ورځو کې په شپږو ټوکونو کې په سپین کاغذ او ښایسته صحافت د ( مکتبة المعروفیة) له خوا د چاپ په زېور ښایسته شوی دی.

د تفسیر ځانګړنې

صفوة التفاسیر یو له معتمدو او مقبولو تفاسیرو ګڼل کیږي. چې له اختصار او جذابیت سره سره لاندې ځانګړنې او مزایاوې هم لري.

ــ د قران کریم د هر سورت له تفسیر وړاندې د سورة د محتویاتو او مقاصدو لنډه خلاصه وړاندې کوي.

ــ د آیتونو تر منځ تړون، مناسبت او شان نزول بیانوي.

ــ د سختو لغاتو تحقیق او په اړه یې د لغت د علماوو د رأیې او اشتقاق بیان

ــ په روانه او عام فهمه ژبه د آیتونو تفسیر

ــ  د علم بلاغت له نظره د نکاتو سپړل

ــ  ځای په ځای هغه ګټې او فائدې بیانول چې له آیت څخه راوځي او یا ورسره تړاو لري.

د ژباړن په اړه

مولوي شمس الله کمال زاده صاحب د افغانستان د غزني ولایت اوسیدونکی دی. د ثور انقلاب او جهاد له کلونو وړاندې نوموړي په هیواد کې د ( ندای حق) په نوم  له یوې اسلامي نشریې سره همکاري درلوده او په پښتو او دري ژبه یې مقالې لیکلې، د جهاد په کلونو کې نوموړی عربي هیوادونو ته لاړ او بیا ډیر وخت له عربي، ژبې، ثقافت او ادب سره نږدې پاته شوی. نوموړی چې په پښتو او عربي دواړو ژبو روان قلم لري، د صفوة التفاسیر ژباړه یې هم په ډير ښه انداز کړې.

د صفوة التفسیر دغه پښتو ژباړه لکه څنګه چې یو ستر دیني او علمي خدمت دی، د پښتو ژبې د علمي شتمنۍ لپاره یې هم مهم ګام بللی شو، چې د دغسې دیني علمي آثارو ژباړې ته ډيره اړتیا لري.

الله تعالی دې د صفوة التفاسیر پښتو چاپ د دې کتاب مصنف، ژباړن او خپروونکو ټولو ته د صدقه جاریې په حیث په تلپاتې ذخیره بدل کړي. آمین یا رب العلمین

د نن ټکی اسیا موبایل اپلیکیشن
avatar
3 د تبصرو شمېر
1 د ځوابونو شمېر
1 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
عبدالمالک همت
میلمه
عبدالمالک همت

ډېر ښه زېری دی. وايي: چي دستار تړي هزار دي د دستار سړي په شمار دي ډېر کسان خوږې پښتو ژبي ته د خدمت لافي وهي، خو په عمل کي يې يا هيڅ نه وي کړي او يا يې داسي کار کړی وي چي تقريباً پر هيڅ حساب وي يا ډېر لږ کار وي. خو واقعي ګټور او د ياوني او تقدير وړ کار دغه دی چي جناب مولوی صاحب کمال زاده کړی دی.د اسلامي نړۍ د نامتو او منلي عالم محمد علي صابوني تفسير يې پښتو ته را اړولی دی. دا هم دين ته خدمت دی، هم علم ته… نور لوستل »

بسم الله
میلمه
بسم الله

چه دستار تړی هزار دی خو د کار سړی په شمار دی

غوربندي
میلمه
غوربندي

جزاهم الله خيرا

مریم مایار
میلمه
مریم مایار

ډیر اعلی ماشاءالله تبارک الله . د لوی رب نه محترم لیکوال صاحب ته لازیات توفیقونه او عظیم اجر استدعا کومه . الله د نور هم د دین ښکلی علم زمونږ ګران دین پاله هیواد کې زیات کړي.