طالبانو د بلخ په چهاربلوک کې د درنې جګړې خبر ورکړی

نن ټکی اسیا (چهارشنبه، ۱۹مرغومي، ۱۳۹۷ل): طالبان وايي د بلخ په چهاربلوک ولسوالۍ کې يې دوه پوستې نیولې او د مرګ‌ژوبلې تر څنګ يې ۱۵ تنه عسکر ژوندي نیولي دي.

طالب ویاند ذبیح الله مجاهد په خپره کړې خبرپاڼه کې ویليو چې د یادې ولسوالۍ په تیمورک سیمه کې د قومندان امام الدین پوستې نیولې او د هغه په ګډون يې ۱۴ تنه وژلي او تر دې ډېر ژوندي ګوتو ته ورغلي دي.

د سرچینې په وینا ۱۰ تنه عسکر يې له هغوی هم وژلي چې په جګړه کې ښکېلو عسکرو مرستې ته ور خوځېدلي و، خو د دوی د سرتېرو پر کمین برابر شول.

مجاهد په دې جګړه کې د ګڼو مهماتو او نقلیه وسایطو د نیولو خبر هم ورکړی دی.

د بلخ ځايي چارواکو تر اوسه په دې تړاو څه نه دي ويلي.

دا په داسې حال کې دی چې د دفاع سرپرست وزیر اسدالله خالد وړمه ورځ په شمالي ولایت فاریاب کې د طالبانو د ځپلو ګواښ وکړ.

avatar
  ګډون وکړئ  
خبرتیا غوښتل د