افغانستان

بغلان: د امنيتي ځواکونو يوه قراره ګاه او دوه پوستې سقوط شوي

نن ټکی اسیا (پنجشنبه، ۲۰مرغومي، ۱۳۹۷ل): د بغلان ولايت په مرکز پلخمري ښار کې طالبانو د امنيتي ځواکونو په یوې قرار ګاه او دوو پوستو بريدونه کړي دي چې په نتيجه کې يې يوه قراره ګاه او دوه پوستې سقوط شوي دي.

د بغلان د ولايتي شورا مرستيال شمس الحق بارکزی وايي چې طالبانو تیره شپه ۱۲ بجې د پلخمري ښار د حسين خيلو په سيمه کې د امنيتي ځواکونو په يوې قراره ګاه بريد وکړ چې به نتيجه کې يې قرار ګاه د طالبانو لاس ته ولويده او ۹ تنه امنيتي سرتيري يې ووژل او ۶ نور يې ټپيان کړل.

د بغلان سيمه ييزو چارواکو هم د طالبانو بريدونه تائيد کړي دي او ويلي يې دي چې ډنډ شهاب الدين ته څېرمه په امنيتي پوستو د طالبانو بريدونو کې پنځه تنه طالبان هم وژل شوي او درې نور ټپيان دي.

بل لور ته د طالبانو يه يوې اعلاميه کې راغلي دي چې د دوی ليزري قطعې د بغلان ولايت په مرکز پلخمري اړوند د حسين خيلو سيمه کې د امنيتي ځواکونو په پوستو بریدونه کړي دي چې په نتيجه کې يې د امنيتي ځواکونو يوه لويه قرارګاه او دوه پوستې نيولي دي او ۳۵ تنه سرتيرو ته يې مرګ ژوبله اړولې او دوه نور ژوندي نيول شوي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x