افغانستان

بدخشان: د غره ښويدو له امله اته تنه وژل شوي دي

نن ټکی اسیا (پنجشنبه، ۲۷مرغومي، ۱۳۹۷ل): د بدخشان ولایت د راغستان ولسوالۍ په زرند اب کلي کې د غره د ښوېدو له امله اته تنو د سرو زرو کاند کېندونکي لاندې شوي دي.

دا پيښه نن له غرمې مخکې شاوخوا ۱۰ بجې د غره د ښوېدو له امله رامنځته شوه.

د عامې روغتيا وزارت وياند وحيدالله مجروح په خپل ټويټر ليکي دی چې په دې پيښه کې اته تنه وژل شوي دي او درې نور ټپيان دي.

د يادونې وړ ده چې شاوخوا يوه مياشت وړاندې هم په بدخشان ولایت کې د غر د ښوېدو له امله شاوخوا ديرش تنو ته مرګ ژوبله اوښتې وه.

په دې وروستيو کې د واورو د ورښت له امله د افغانستان په بيلابيلو سيمو کې د غر ښويدنې پيښې زياتې شوې دي چې له امله یې خلکو ته مرګ ژوبله اوړي.

د بدخشان سيمه ييز چارواکي وايي چې تر اوسه د پيښې سيمې ته مرستندویه ډلې نه دي رسېدلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x