طلباي کرامو ته د قرآن مجيد ډاډيني

عبدالمالک همت

باطل پالي په هر مهال او هر ځای کي د دوى پر شتون، نيواک، ظالمانه ولکه او د باطلو (چي دوی يې خپلي لاسته راوړني او دموکراسي بولي) پر ټينګښت او پاته کېدو باندي ټينګار کوي. په دې لړ کي له زور او ډالرو ، چلونو او نورو وسايلو څخه په ګټه اخيستنه حق او حق پالونکي ترګواښونو او فشارونو لاندي راولي او د منحرف کولو لپاره يې لاس او پښې وهي او غواړي عام خلک د دسيسو په جوړولو، د موانعو په ايجادولو او داسي نورو سره له حق، حق پالو او حق پالني څخه راوګرځوي، څو هغه څه چي دوى يې غواړي تر لاسه کړي.

لوی څښتن تبارک وتعالی په دې اړه فرمايي:

(إِنَّ الَّذِينَ كَفَرُوا يُنْفِقُونَ أَمْوَالَهُمْ لِيَصُدُّوا عَنْ سَبِيلِ اللَّهِ فَسَيُنْفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ)[الانفال: ۳۶]

ژباړه: کومو کسانو چي کفر غوره کړى دى، هغوى خپلي شتمنۍ د دې لپاره لګوي چي خلک (مومنان) د الله له لاري څخه راوګرځوي. دوى خو به په دې لار کي خپل مالونه ولګوي، مګر بيا به د دوى د دغو لګښتونو پايله هغو ته د افسوس او پښېمانۍ لامل وګرځي (ځکه هاخوا دې خوا به لګښتونه وکړي، خو هغو هيلو ته به چي دوى يې د لوى څښتن د رڼا د تتولو په اړه لري ونه رسيږي) او پاى به دا کسان (د مومنانو په وړاندي) مغلوب سي.

بيا فرمايي:

(يُرِيدُونَ أَنْ يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَنْ يُتِمَّ نُورَهُ وَلَوْ كَرِهَ الْكَافِرُونَ (32) هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ (33) ) [التوبة :۳۲، ۳۳]

ژباړه: دغه کفارغواړي چي د الله رڼا (د اسلام د سپېڅلي دين رڼا) د خپلو خولو په پوکلو سره مړه کړي (يعني پر اسلام باندي، چي د انسان د دې او هغي دنيا د نېکمرغۍ او بشپړتيا پر لور لارښوونه کوي تېرى وکړي او باطل يې څرګند کړي او د الله پر هغه توحيد باندي چي حضرت محمد صلى الله عليه وسلم په راغلى دى د لوى څښتن واضح دلايل باطل وښيي). په داسي حال کي چي الله بل څه نه خوښوي بې له دې چي خپله رڼا بشپړه کړي ( خپل دين بشپړ، څرګند او لوړ کړي چي پلوشې يې هري خواته خپرې سي). که څه هم کافران (منکران) له دې کاره (د دين له بشړتيا او لوړتيا) بد وړي (او ناخوښه وي، خو لوى څښتن دا کار کوي او کله چي لوى څښتن د کوم کار د ترسره کولو اراده وکړي، نو د نورو اراده باطله سي). الله هغه ذات دى چي خپل پيغمبر(محمد صلى الله عليه وسلم) يې د لارښووني او رښتياني دين (قرآن او اسلام) سره (دنياته) لېږلى دى، چي هغه (په هغه کي په شتو دلايلو او احکامو سره) پر ټولو دينونو باندي لوړ او برلاسى کړي، که هر څونه هم د مشرکانو د اسلام له حق دين څخه او پر نورو دينونو باندي د هغه له بري څخه ښه نه راځي.

د الله نور څوک له منځه وړلاى شي؟ او څوک له لوى څښتن سره جنګېدلاى شي؟ هر څوک چي د الله سره دښمني راواخلي خامخا به مات، ترټلى او نتلى وي او له ځان پرته به يې بل هيچا ته تاوان نه وي رسولى. پوه شئ چي د الله دين منصور او بريالى دى. خو خوار او نتلى به هغه څوک وي چي د لوى څښتن د دين په مرسته او ملاتړ کي يې برخه نه وي اخيستې، بلکي د کفارو په ملګرتيا د اسلام پر ضد جنګيږي.

د الله نور ته کافر داسي دى لکه مچ، نو آيا مچ کولاى سي چي ان د لمر مخ لا پټ کړي؟…

شيخ ابو سعید ابوالخیر رحمه الله (۳۵۷-۴۴۰سپوږميز) د پورتني آيت مفهوم په خپل يوه ښکلي شعر کي داسي ترسيم کړى
دى:

چراغی را كه ایزد برفروزد
هر آنكس پف كند ریشش بسوزد

سنايي غزنوي رحمة الله عليه (۴۶۳ یا ۴۷۳ ـــ ۵۲۵ یا ۵۳۵ سپوږميز) دغه معنا په خپل يوه شعر کي داسي اوډلې ده:

هر كه در سر چراغ دین افروخت
سبلــت پــف كنـانش پـاك بسـوخـت

مولانا جلال الدين محمد بلخي عليه الرحمه (٦٠٤ ـــ ٦٧٢ سپوږميز) بيا دا خبره داسي راوړې ده:

هــر كه بـــر شـمــع خـــدا آرد پــفـو
شمع کي ميرد بسوزد پوز او.

د جنايتکارو کفارو د دې مذبوحانه تلاښونو سره سره د مومنانو د ملاتړ په هکله د لوى څښتن سبحانه سنت ته هيڅکله تخلف نه پېښيږي. ځکه لوى څښتن چي { أصدق القائلين } ذات دى په دې هکله پخپله يادوني کړي دي.

لوی څښتن فرمايي:

(كَتَبَ اللَّهُ لَأَغْلِبَنَّ أَنَا وَرُسُلِي إِنَّ اللَّهَ قَوِيٌّ عَزِيزٌ (21))[المجادله: ۲۱]

ژباړه: الله په خپل مخکني علم کي پرېکړه کړې ده ( مقرره کړې يې ده او حکم يې کړى دى) چي زه او زما پيغمبران به هرومرو (زما پر دښمنانو باندي په دلايلو او مذاکرو او ځواک) لاسبري کيږو . هو، واقعيت دادى چي الله (د خپلو پيغمبرانو پر نصرت او ملاتړ باندي) ډېر غښتلی دى (چي هيڅ نه مغلوبيږي) او (په بشپړه توګه) برلاسى (زورور او په خپل اقتدار کي پر ټولو مخلوقاتو د غلبې خاوند دى او د خپلو پيغمبرانو له دښمنانو څخه خامخا غچ اخلي).

امام ابن کثير رحمة الله علیه د دې آيت په تفسير کي فرمايلي دي :” لوى څښتن حکم کړى دى او په خپل ازلي او لومړني کتاب او د تخلف نه منونکو غوڅو او بدلون نه منونکو مقدراتو په ليست کي يې ټاکلې ده چي په دنيا او آخرت کي سرلوړي او کاميابي د ده، د ده د کتاب او د ده د رسولانو او مومنو بنده ګانو ده“ .

الله جل جلاله د الصافات د سورې په پای کي مومنانو ته داسي زېري ورکړي دي:
قال الله تعالی
﴿وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ (171) إِنَّهُمْ لَهُمُ الْمَنْصُورُونَ (172) وَإِنَّ جُنْدَنَا لَهُمُ الْغَالِبُونَ (173) فَتَوَلَّ عَنْهُمْ حَتَّى حِينٍ (174) وَأَبْصِرْهُمْ فَسَوْفَ يُبْصِرُونَ (175)﴾ [الصافات:١٧١- ۱۷۵]

ژباړه: ۱۷۱ ـ ۱۷۳. او په يقيني توګه زموږ د ژمني په باب زموږ پرېکړه او خبره (چي هيڅ خنډ نه پکښي راځي او هيڅ نه رديږي) له وړاندي څخه لا (د پيغمبرانو په توګه) زموږ د استولو سوو بنده ګانو په اړه (ثبت او مسلمه) سوې ده چي دوی (پر خپلو دښمنانو باندي په هغو دلايلو او ځواک سره چي پر دوی مو پېرزو کړي دي) بری موندونکي دي اوحقيقت دادی چي زموږ د (هغه) پوځ مجاهدين به (چي د الله په لار کي جګړه کوي) خامخا (پر خپلو دښمنانو باندي په ټولو ډګرونو کي ) برلاسي وي (، څو د الله وينا، يعني: د اسلام دين او د الله توحيد ته د بلني وینا لوړه او برلاسې وي).

۱۷۴. نو (ای پيغمبره !) ته تر يو څخه مهاله (چي الله علم په لري) له دوی (دغو معاندو کفارو) څخه مخ واړوه او پروا يې مه کوه.

۱۷۵. او کله چي پر دوی باندي (زموږ) عذاب نازليږي ورته وګوره (چي ستا سره د مخالفت له امله څه پر راځي)، ډېر ژر به دوی هم وويني (چي په څه عذاب اخته کيږي او هغه مهال به يې دا ليده څه ګټه هم نه ورته کوي).

مفسرين کرام فرمايي چي په پورتني (۱۷۱) آيت کي له (كَلِمَتُنَا) څخه موخه هغه ژمنه ده چي الله سبحانه يې د خپلو پيغمبرانو او صالحو بنده ګانو سره کړې ده، چي غوره او ښکلی بر خليک به د دوی وي.

د مومنانو د سوبو(فتحو) او ولجو په هکله فرمايي:

(وَعَدَكُمُ اللَّهُ مَغَانِمَ كَثِيرَةً تَأْخُذُونَهَا فَعَجَّلَ لَكُمْ هَذِهِ وَكَفَّ أَيْدِيَ النَّاسِ عَنْكُمْ وَلِتَكُونَ آيَةً لِلْمُؤْمِنِينَ وَيَهْدِيَكُمْ صِرَاطًا مُسْتَقِيمًا (20) وَأُخْرَى لَمْ تَقْدِرُوا عَلَيْهَا قَدْ أَحَاطَ اللَّهُ بِهَا وَكَانَ اللَّهُ عَلَى كُلِّ شَيْءٍ قَدِيرًا (21))[الفتح:۲۰،۲۱]

ژباړه: ۲۰. (ای مومنانو!) الله ستاسي سره د بېخي ډېرو ولجو ژمنه کړې ده چي تاسي به يې (په را تلونکې کي په اسلامي سوبو کي) ترلاسه کړئ، همدا اوس سمدستي يې دغه (سوبه او) ولجې ستاسي په برخه کړې او د (بدو او ظالمو) خلکو (د تېري او ظلم) لاسونه يې ستاسي (او تر تاسي وروسته ستاسي له اولادونو) څخه لنډ کړل. چي دغه سملاسي ولجې تاسي ته (د الله پر نصرت او ملاتړ باندي) يوه نښانه وي. او چي الله (داسي) سمي لاري ته ستاسي لارښوونه وکړي (چي هيڅ کوږوالی پکښي نه وي).

۲۱. او پر دې سر بېره الله تاسي ته د نورو (داسي) سوبو او ولجو وعده هم درکوي چي تر اوسه لا (د هغو د ليري والي له امله) د هغو پر ترلاسه کولو نه ياست توانېدلی، خو يوازي الله پر هغو واک او احاطه لري (او په علم او تدبير کي يې دي او ور معلومه ده چي ژر به يې در په برخه کړي) او الله پر هر څه په بشپړه توګه ځواکمن او قادر دي (هيڅ شی يې نه سي بې وسه کولای).
په پای کي ای د وطن د خپلواکۍ د ګټلو د لاري ملي اتلو مبارزينو الله سبحانه داسي ډاډ درکوي:
(أَلَا إِنَّ نَصْرَ اللَّهِ قَرِيبٌ)[البقره: ۲۱۴].

(خبر او ډاډه اوسئ چي د الله مرسته [مومنانوته] نژدې ده).

avatar
3 د تبصرو شمېر
1 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
عبدالمالک همت
میلمه
عبدالمالک همت

د نن ټکي آسيا محترمي ادارې ته!
د ليکنی په سرليک کي (طلباءکراموته) مو غلط کړی دی، څه چي ما ليکلي وه هغه سم دی، يعني (طلبای کرامو ته) درست دی، لطفاً يې بيرته سم کړی، مننه.

غوربندي
میلمه
غوربندي

که يې بشپړ پښتو کوی نو

طالبانو کرامو ته ،،،، به سم وی

غوربندي
میلمه
غوربندي

جزاکم الله خيرا محترم استاد همت صاحب

لونګ
میلمه
لونګ

وَلِلَّـهِ الْأَسْمَاءُ الْحُسْنَىٰ فَادْعُوهُ بِهَا ۖ العراف ۱۸۰