رویټرز: د میدان ښار په برید کې د وژل شویوځواکونو شمېر تر «۱۰۰» لوړ دی

نن ټکی اسیا (دوشنبه، ۱،سلواغه، ۱۳۹۷ل): رویټرز نړیوال خبري اژانس ته رسیدلي خبرونه ښيي چې، د میدان ښار په ننني برید کې تر سلو ډېر د ځانګړو امنیتي ځواکونو غړي وژل شوي.
رويټرز په کابل کې د دفاع وزارت د یوه لوړپوړي چارواکي له خولي ليکي «موږ ته د رسېدلو معلوماتو له مخې په برید کې ۱۲۶ کسان وژل شوي چې د هغوی له ډلې یې ۸ تنه د کمانډو ځواکونو غړي دي».
همدارنګه د میدان وردګو ولایت اړوند یوه بل چارواکي رويټرز ته ویلي چې «دی د ملي امنیت له ځواکونو سره په اړیکه کې دی او هغوی ورته د ۱۰۰ امنیتي ځواکونو د وژل کېدو د خبر پخلی کړی».
یاده دې وي چې دا برید نن سهار د میدان وردګو ولایت په مرکز میدان ښار کې د ځانګړو امنیتي ځواکونو په مرکز ترسره شو او پړه یې طالبانو په غاړه واخسته .
د طالبانو ویاند ذبیح الله مجاهد رسنیو ته په لېږل شوې اعلامیه کې ویلي چې «نن سهار وختي د میدان وردګو مرکز میدان ښار کې د مزدور دښمن د ځانګړې قطعې په قومندانۍ د هاموې ټانک په وسیله لومړی فدایي برید وشو، وروسته ګڼ شمیر نور فدایان قومندانۍ ننوتل »
نوموړي د برید د وروستیو جزئیاتو په اړه په خپل ټویټر کې لیکلي چې په یاد برید کې یې تر ۹۰ زیات د ځانګړو امنیتي ځواکونو غړي وژلي او تر ۱۰۰ ډېر یې ټپيان کړي ، نوموړي همدا راز په خپل ټویټر باندې د برید کوونکو انځورونه هم نشر کړي چې په وینا یې دغه کسانو د میدان ښار په نني برید کې برخه درلوده.

د نن ټکی اسیا موبایل اپلیکیشن
avatar
4 د تبصرو شمېر
2 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
غمی،پښتین
میلمه
غمی،پښتین

ان لله و ان الیه الرجعون.
ټولو ته الله ج جنتونه ورکړی،وارثانو ته د الله ج صبر جمیل ورکړی.
خبری روانی دی،کیدای شوه جوړه شوی وای.دا برید ته کوم حاجت وه؟یوسل او شل کورنی مو د غم ټغر کینولی،
له دا څخه بل کوم غټ ظلم؟
پرون د لوګر والی اتلس کسان ،او ڼن د میدان وردګ شهیدان،ټول د مسلمان زامن ټول مسلمانان ،په کوم دین په کوم مذهب یی قتل روا وه؟

معاض
میلمه
معاض

همدی عسکرو هرا ورځ ډیری کرانی دغم په ټغر کینا ولی

حماد
میلمه
حماد

په دې ټکې د طالب سر نه خلاصیږې که ولس ګنګس دې چې خبرې له کفارو سره او له کفارو سره په خبرو کې د زیات کریډیټ لپاره د مسلمان قتل په اسلام کې چیرته روا دې؟ شته کوم ځواب یې ووایې؟

جميل
میلمه
جميل

هغه چى د كفارو په پيسو، وسلو او د هغوى په حكم مسلمان قتلوى هغه منافقين دى او د هغوى قتل داسى روا دى لكه د مور شيدى .
د خداى روى وگورى خپل دين مطالعه كرى او په زره يى ومنى .

عبدالولی (فهیم)
میلمه
عبدالولی (فهیم)

حماد خانه ته داسی ښکاری چی ښه ګنګس یی دا د کابل اداره تاته مسلمانه ښکاری کوم کاریی د مسلمان کار دی ته خپله داسی ښکاری چی دیر بی خبره او د فیل په غوږکی ویده یی . دا مزدوره د کابل اداره تاته چا جوړه کړی ده ایا همدی کفارو درته نده جوړه کړی ستا ددی مزدوری اداری کوم کار د اسلام په قانون برابر کار دی او بل دا چی که ته کومه شخړه ولری کوم د کلی خان سره هغه د خان سره فیصله کوی که کوم غلام یابزګر سره یی. د کابل اداره خو غلامه اداره… نور لوستل »

مجاهد
میلمه
مجاهد

له دی وروسته نه غواړم د چا نوم واخلم او مخاطب یی کړم. زمونږ د پاره د اشغلګرو د وتلو اړه دا هم ده چه زمونږ خلک یی لمړی فقیر او بی سواده او بیا یی د ملی ملی او ملی په نوم زمونږ د بی دفاع اولس د استمثارولو او وژلو د پاره په جلا جلا نومو په لکونو عسکر او ملیشی جوړی کړی . که هغه ملیشی زمونږ خلک وژنی د میدیا د اجیرانو خولی بندی که د مظلوم اولس نمایندهګان ( طالبان ) هعوی وژنی د میدیا اجیران د کارغانو په شان قاغ قاغ شروع کړی .… نور لوستل »