افغانستان

د طالبانو او امریکا مذاکرات له اعلاميې خپرولو پرته پای ته رسيدلي

نن ټکی اسیا (شنبه، ۶سلواغې، ۱۳۹۷ل): په قطر کې د طالبانو او امریکا ترمنځ شپږ ورځني مذاکرات له تړون او اعلاميې پرته سرته رسيدلي او په راتلونکي کې د مذاکراتو په جاري ساتلو توافق شوی دی.

الجزيره ټلويزون وايي، چې د نننۍ خبرو اجنډا هم د بهرنيو پوځيانو وتل او ممکنه اوربند و.

نيويارک ټايمز ورځپاڼې هم د طالبانو د سرچينو او غربي ډيپلوماټانو له قوله ليکلي، چې د قطر کې په ناسته کې طالبان او امریکا يوې هوکړې ته نږدې شوي، چې امریکا به د خپلو پوځيانو د ويستلو لپاره ځانګړی مهالوېش ټاکي او په مقابل کې به يې طالبان له نورو ډلو سره اړيکې پرې کوي او افغانستان به په راتلونکي وخت کې د امریکا لپاره ګواښ نه پېښوي.

نيويارک ټايمز زياتوي، چې د طالبانو لوړپوړی مشر ملا برادر د روانو خبرو مشر ټاکل د دې نښه ده، چې دا خبرې رښتينې او جدي دي او هيله  يې ښکاره کړې، چې روانې خبرې به بريالۍ شي.

وړمه ورځ طالبانو اعلان کړی و، چې ملا برادر د طالبانو د مشر شيخ هبت الله اخندزاده سیاسي مرستيال او د قطر د سياسي دفتر مشر ټاکل شوی دی.

الجزيره  ټلويزون د طالبانو د سرچينو له قوله وايي، چې کله امريکا له افغانستانه د وتلو مهالوېش وټاکي، دوی به هم اوربند اعلان کړي.

د طالبانو او امریکا ترمنځ د سولې خبرې د تېرې اونۍ له دوشنبې راهيسې روانې وې، چې پوره شپږ ورځې روانې وې او نن د ګډې اعلاميه له خپرولو پرته په داسې حال کې پای ته رسيدلي، چې ډېری افغانان له دغې ناستې يوه ښه زيري ته په تمه وو.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
غوربندي

د ګډې اعلاميې د نه خپرېدو وجوهات دا کيدای شي چې دواړه لوري به له خپلو مشرانو څخه نهايي سلا مشوره اخلي.

که ګډه اعلاميه خپره شوې وای ډېره ګټوره تماميده پدې معنی چې د سولې ضد کړيو ته به د تاويلاتو او له ځانه جوړو مغشوشونکو اوازو خپرولو چانس په لاس کې نه وای پاتې.

لونګ

الله مو # کړ پداسو مزاکراتو تاسو خو هسی هم بیکاره یاست د نورو وخت مو ضایع کړ، زما وخت مو ضایع کړ چی هر ورځ خبرونه ګورم. ###

Back to top button
2
0
Would love your thoughts, please comment.x
()
x