نړۍ

بلوچستان کې د امنيه قومندان پر دفتر برید کې شل تنه ټپيان شوي

نن ټکی اسیا (سه شنبه، ۹سلواغې، ۱۳۹۷ل): د بلوچستان ايالت په لورلايي سيمه کې د پوليسو د امنيه قومندان پر دفتر وسله وال برید کې د اتو پوليسو په  شمول شل  تنه ټپيان شوي او دوه بریدګر هم په ځوابي ډزو کې وژل شوي دي.

ځايي پوليس وايي، چې څلورو بریدګرو د پوليسو د امنيه قومندان په دفتر کې پر خلکو ډزې  وکړې، چې له امله يې د اتو پوليسو په شمول شل کسان ټپيان شوي او په ځوابي ډزو کې دوه بریدګر هم وژل شوي دي.

د چارواکو په وينا ټپيان روغتون ته لېږول شوي او د يو شمېر ټپيانو روغتيايي وضعيت د اندېښنې وړ دی.

پوليس زياتوي، چې له پېښې وروسته سيمه د امنيتي ځواکونو له لوري کلابنده شوې او د مشکوکو کسانو لټون روان دی.

د  پوليسو ځايي مشران وايي،  د بريد پر مهال په د فتر کې د پوليسو ليکو ته د نوو جذبيدونکو کسانو نوم ليکنه روانه وه او يو شمېر لوړپوړي پوليس افسران هم په دفتر کې وو، خو د ساتونکو له لوري خوندي ځايونو ته لېږدول شوي دي.

د پېښې مسؤوليت تر اوسه چا نه دی منلی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x