کندهار: د اربکيانو قومندان په بريد کې وژل شوی

نن ټکی اسیا (یکشنبه، ۲۱سلواغې، ۱۳۹۷ل): د کندهار ولايت په پنجوايي ولسوالۍ کې د اربکيانو يو تن قومندان په يو وسله وال بريد کې وژل شوی دی.

د کندهار د والي وياند عزيز احمد عزيزي وايي چې د عبدالودود په نامه ددې ولايت د پنجوايي ولسوالۍ د اربکيانو يو تن قومندان ددې ولسوالۍ په يخ څاه سيمه کې په وسله وال بريد کې وژل شوی دی
.
عزيزي وايي چې قومندان عبدالودود تير ماښام خپل موټر کې کورته په لاره و چې بريد پرې وشو او وژل شوی دی او بريدګر له سيمې څخه په تېښته بريالي شوي دي.

د يادونې وړ ده چې د اربکيانو ياد قومندان له ډېرې مودې راهيسې په دې سيمه کې د طالبانو په وړاندې جګړه کوله او د سيمې ډېری عام وګړي به يې د طالبانو په نامه نيول او شکنجه کول به يې.

تر اوسه طالبانو د نوموړي د وژنې په اړه څه نه دي ويلي.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
ابوالوفاء
میلمه
ابوالوفاء

ډېره د خرمغزي سګوان او سرکوزي قواره يې وه، شکر دی چي لوی څښتن سبحانه د ده له ناولتياڅخه د غازيانو پر لاس د اسلام دا سپېڅلې ځمکه پاکه کړه.
زما ټولو هيوادوالو ته دا توصيه ده چي خپل اولادونه په هر ترتيب چي وي د علم په ګېڼه سمبال کړي چي خدای مه کړه دغسي لوچک لغړيان ځني جوړ نه سي.