افغانستان

اشرف غني: د سولې له پاره دې مشورتي لويه جرګه جوړه شي

نن ټکی اسیا (دوشنبه، ۲۲سلواغې، ۱۳۹۷ل): د ګډ حکومت مشر محمد اشرف غني وايي چې د سولې له پاره دې د مشورو د پراختيا په خاطر مشورتي لويه جرګه جوړه شي.

محمد اشرف غني نن مازديګر په ارګ کې د سولې پروسې لومړنۍ مشورتي غونډې ته په خبرو کې وويل چې د سولې په اړه دې د راتلونکي کب مياشت کې مشورتي لويه جرګه جوړه شي او د افغانستان د ټولو خلکو استازي دې په کې ګډون وکړي ترڅو د سولې په اړه په کې بحث وشي.

نوموړي د سولې شورا د دارالانشاء په رئيس عمر داودزي غږ وکړ چې د سولې مشورتي غونډه جوړه کړي او د افغانستان حکومت به يې ملاتړ وکړي.

هغه يو ځل بيا په طالبانو غږ وکړ چې هيواد ته راستانه شي او د افغانستان له حکومت سره خبرو ته کيني.

اشرف غني تيره ورځ ننګرهار ته د سفر پر مهال هم ويلي وو چې تيار دی طالبانو ته د افغانستان په داخل کې دفتر ورکړي خو طالبانو د نوموړي دا وړانديز رد کړ او ويلي يې دي چې ګډ حکومت به د سولې له روانو خبرو څخه لرې وساتي.

محمد اشرف غني دا خبرې په داسې حال کې کوي چې د دافغانستان د قضيې د سياسي حل له پاره د امريکا د بهرنيو چارو وزارت ځانګړی استازی زلمي خليلزاد نن له امريکا څخه افغانستان او د سيمې نورو هيوادونو ته خپل پنځم سفر پيل کړ.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
جميل

لويى جرگى خو دى پخوا لا خپله غلامى اعلان كرى وه او غاصب كفار يى په بادارى منلى وه .
دا كيلونه او مكرونه دى نور نه چليژى سمدم زان په داروه .

لونګ

هر څوک چی یو قدم د سولی لپاره په افغانستان کی خلی الله د اجر ورکړی. هغوی چی د سولی په نوم کله امریکایانو سره په میز ناست وی او کله هم روس اوایران ته منډی وهی کومه فایده نلری. ځکه چی سوله بیغر د حکومت سره په مزاکراتو کی د بل چا په مرسته نشی راتلای. سوله باید خپله افغانان راولی نه ####.

Back to top button
2
0
Would love your thoughts, please comment.x
()
x