د طالبانو مرکچي پلاوی

طالبان: د افغانستان کشالې سوله‌ ييز حل لپاره د تور ليست ختمول اړين دي

نن ټکی اسیا (چهارشنبه، ۱ کب، ۱۳۹۷ل): طالبانو ويلي، چې د افغانستان روانې کشالې د پای ته رسولو لپاره په سوله ييز او ډيپلوماټيک حل باور لري او د دې لپاره بايد د ملګرو ملتونو امنيت شورا د طالبانو ډيپلوماټان له تور ليست څخه وباسي.

د طالبانو له رسمي ويب پاڼې په خپره شوې اونيزه تبصره کې راغلي، چې د امنيت يو شمېر غړو هېوادونو د ناسمو معلوماتو پر اساس د دوی يو شمېر لوړپوړي مشران، ډيپلوماټان او قومندانان په تور ليست کې شامل کړي وو او دوی له پيله دغه تور ليست ناسم بللی و.

طالبان وايي، چې اوس د افغانستان روانې کشالې د پای ته رسولو لپاره له امريکا سره  د سولې خبرې او ناستې روانې دي او همدارنګه د افغان قضيې د اړخونو د څرګنوالي او خپل دريځ د روښانه کولو لپاره د سيمې او نړۍ هېوادونو ته د سفر اړتيا لري، خو د تور ليست له امله د مذاکراتو پروسه له خنډ سره مخ ده او د امنيت شورا غړي هېوادونه بايد د طالبانو استازي له دې ليسته وباسي.

په خپره شوې تبصره کې دا هم راغلي، چې د متحده عربي اماراتو په ناسته کې د طالبانو يو شمېر ډيپلوماټان د تور ليست له امله په دغه ناسته کې په ګډون ونه توانيدل او همدارنګه د روانې فبروري مياشتې په ۱۸مه نيټه په اسلام اباد کې  پلان شوې غونډه هم د ملګرو  ملتونو امنيت شورا د تور ليست له امله لغوه شوه.

طالبانو د امنيت شورا له غړو هېوادونو او په ځانګړې توګه له امريکا غوښتي، چې د سولې پروسې د بريا او د روان بحران د سياسي حل لپاره بايد د دوی ډيپلوماټان له تور ليسته وويستل شي.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
جميل
میلمه
جميل

دا سمه ده چى په خبرو كى بايد له دپلوماسى او خوژى لهجى نه كار واخستل شى خو زور او همت هم بايد له پامه و نه غورزول شى .
په نره توره ورته وواياست چى تر سو چى تور لست نوى سپين شوى مذاكرات نه كوو .