کجورې عصاب پياوړي کوي

سیداصغر هاشمي

کجوره د جنت مېوه ده اود انسان لپاره ډېره ګټوره ده نو ځکه په خوړواو درملوپه جوړولوکې ترې کار اخېستل کېږي. الله تعالی فرمايي:

(فَاَجَاۗءَهَا الْمَخَاضُ اِلٰى جِذْعِ النَّخْلَةِ ۚ قَالَتْ يٰلَيْتَنِيْ مِتُّ قَبْلَ ھٰذَا وَكُنْتُ نَسْيًا مَّنْسِيًّا 23؀فَنَادٰىهَا مِنْ تَحْتِهَآ اَلَّا تَحْزَنِيْ قَدْ جَعَلَ رَبُّكِ تَحْتَكِ سَرِيًّا 24؀وَهُزِّيْٓ اِلَيْكِ بِجِذْعِ النَّخْلَةِ تُسٰقِطْ عَلَيْكِ رُطَبًا جَنِيًّا 25؀ۡ)( مريم ۲۳ـ ۲۵)

ژباړه:بي بي مریم د ماشوم راوړلو د درد له زوره د کجورې د ونې لاندې ولاړه وه او ويې ويل:کاشکې وړاندې له دې نه مړه شوې وای او پوره هېره شوې وای، د هغې د پښو لاندې غږ وشو، چې مه غمجنه کېږه! چې الله تعالی ستا له پښو لاندې د اوبويوه چينه روانه کړې او د ونې ښاخ د ځان لورته وڅنډه، چې تا ته تازه کجورې راتوی شي.

نننوطبي تحقيقاتوزبادکړې چې کجوره د اميدوارو مېندولپاره ښه خواړه دي، همدارنګه حاملې ښځې د ماشوم د راوړلو وروسته بايدکجورې وخوري، خرما د اميدوارو ښځوشيدې زياتوي او تحريکوي يې نوځکه يې خوړل سم کار دی.

په کجوره کې ډول ډول انرژي موجوده ده اوهغه ښځې چې د وینې بهيدو ناروغتيا لري اوهروخت د کمزورتيااحساس کوي، د کجورې خوړل ورته شفاموندونکې ده. که چېرې يوکس د ورځې يوه خرمااو يوګيلاس اوبه وڅکي نود بدن ټوله غذايي اړتيايي پوره کېږي.

(اوکسي توسين) يوه ماده ده او په طبابت کې د درملو په توګه د ماشوم د راوړلو د بهير د چټکتيا لپاره کارول کېږي، سربېره پر دې دغه ماده د مور شېدې هم ډېروي، په کجوروکې د دغې مادې شتون په يوازې توګه د قرآن کريم اعجاز او د دغي مادې ارزښت څرګندوي.

کجوره د ډېرو ويټامينونو، منرالونو، غوړو، پروتينو، د نه جذبېدونکې قندو او فايبرو درلودونکې ده، سوډيم،پوتاشيم، کلسيم، مګنېزيم، اوسپنه، سلفر، فاسفورس، کلورين او د A او B ويټامينونه په کجوره کې شته.

کجوره د وېنې جوړېدل په عضويت کې زياتوي، د حمل په دوران کې له زړه بدوالي مخنيوی کوي، د وجود له ودې سره مرسته کوي، د سترګو د ليدلو ځواک او اعصاب ځواکمنوي.

د کجورو په اړه نوې پلټنې ثابتوي چې دا ټولې خبرې د الله تعالی حکمت او مهرباني څرګندوي. (۳۱: ۱۳۶ــ ۱۳۸ مخونه)