نن ټکی اسیا

د بشري حقونو د ساتنې سازمان په نوم د طالبانو لیک او څو پوښتنې!

نن ټکی اسيا سرلیکنه

تیره ورځ طالبانو د ملګرو ملتونو ، اسلامي کانفرانس او د بشري حقونو د ساتنې سازمان په نوم یو تفصیلي لیک خپور کړ چې په ترڅ کې یې له یادو سازمانونو څخه غوښتي چې په افغانستان کې د امریکايي او داخلي ځواکونو په لاس د بیوزله ولسي وګړو د عام وژنې مخه ونیسي.

طالبانو وروسته تر هغه د یادو سازمانونو په نوم دا لیک خپور کړ چې امریکايي او د اخلي ځواکونو په افغانستان کې د ولسي خلګو عام وژنه ، د هغوی پر کلیو ، عام المنفعه تأسیساتو ، او مذهبي مراکزو بریدونه ډیر کړل.
د ولسي وګړو په خلاف د امریکايي او داخلي ځواکونو د وحشاینه برید وروستۍ پیښه په میدان وردګ او غزني ولایت کې هغه بمبارۍ دي چې په غزنې کې یې خپله د دولتي ځواکونو پوځي مرکز په نښه او ۹ تنه عسکر یې ورکې ووژل او په میدان وردګ کې یې د سیمې د یوه قومي مخور شخصیت کور په نښه او د یادې کورنۍ (۵) تنه یې ورکې ووژل.

اوس پوښتنه دا ده چې ولي د بشري حقونود دفاع او ساتنې سازمان په خپله په افغانستان کې د امریکایانو په لاس د دغې عام وژنې په اړه احساس مسؤلیت نه کوي؟
ایا هغوی خپله چې نوم یې د بشري حقونو د دفاع او ساتني سازمان دی وظیفتا او اخلاقا د دې مسؤلیت نه لري چې د امریکایانو او د هغوی د بي ضمیره اردلیانو په لاس د ولسي افغانانو د وژلو او د هغوی د شتمنیو د له منځه وړلو مخنیوی وکړي؟

ایا ولسي افغانان د انساني ټولنې برخه نه دی چې د هغوی له حقوقونو څخه دفاع وکړي ؟ او که د طالبانو د لیک پر اساس د افغانانو په اړه د بشري حقونو د دفاع په اصولو کې کومه ځانګړې استثناء شته ده چې امریکایان له هغې څخه په استفادې سره ولسي افغانان داسې بي صرفي وژني؟

که واقعا هم د بشري حقونو د ساتنې په نوم کوم رسمي سازمان وي نو هغوی باید د طالبانو له لیک او یاد آوري پرته د امریکايي یرغلګرو په لاس د افغان وژني په اړه احساس د مسؤلیت وکړي او پرینږ دي چې دغه د انسانانو په نوم وحشي ښرمښان په دغسي لا پروايي سره د مظلومو افغانو په غوښو داړې سري کړي!