د سولې سفير /الياس فاتح

الياس فاتح

غوټۍ غوټۍ له خندا شنه شوي ګلونه درته
طالبه! زړونو غوړولي ارمانونه درته

پتمن ولس دې په رېښې رېښې پګړۍ کې ټومبي
په ليونۍ مينه د ګلو پر ځای زړونه درته

د شپو ګرداب کې راګيرشوي، دې دردمن امت ته
خالق درکړي سپېده داغ په څېر لاسونه درته

چې يې د ستا د بې وسۍ تصوير ته سپک کتلي
ټيټ شول د وخت هغه مغرور، ياغي سرونه درته

د امن سپين طبيبه لنډې کړه د فتحو لارې
د پرهارونو وطن کړي انتظارونه درته

د امارت حقاني ژبې! شيندې اور د سوبې
سکاره سکاره د مستکبر شوي فکرونه درته

ته د جګړو فاتح يې، ته به يې د سولې سفير
ميندو، د خدای پر وړاندې ډېر کړي سوالونه درته

avatar
  ګډون وکړئ  
خبرتیا غوښتل د