د ازهر پوهنتون شيخ: له يوې زياتې مېرمنې کول له ښځې سره ظلم دی

نن ټکی اسیا (یکشنبه، ۱۲کب، ۱۳۹۷ل): د الازهر پوهنتون شيخ الامام الاکبر احمد الطيب ويلي، چې له يوې زياتې مېرمنې کول، د ښځو په حق کې  تېری دی او د ډېرو مېرمنو کول په اسلام اصل نه، بلکې په شرطونو مقيد دي.

د شيخ الازهر دغو څرګندونو د مصر په شمول په ټوله عربي او اسلامي نړۍ کې غبرګونونه راپارولي دي.

دا لومړی ځل نه دی، چې شيخ الازهز احمد الطيب د ښځو د تعدد په اړه ناندريزې څرګندونې کوي، بلکې له ۲۰۱۰ کال راهيسې، چې نوموړی دې منصب ته رسېدلی، د ديني موضوعاتو او په ځانګړې توګه د مېرمنو د تعدد په اړه لانجمنې څرګندونې کوي.

که څه هم شيخ الازهر د مېرمنو د تعدد  په اړه ناندريزې څرګندونې کړې وې، خو دا لومړی ځل دی، چې د مېرمنو تعدد يې د ښځو په حق کې ظلم بللی دی.

د شيخ احمد الطيب  په شمول د ازهر يو شمېر علما د ديني نصوصو په اړه د سلفو له فهم خلاف داسې څرګندونې کوي، چې د اسلامي فقهې په تاريخي  اساس نه لري.

دغه ناندريز  فکر وروسته تر هغه نور هم پراخ شو، چې په ۲۰۱۴ کال ې د مصر ولسمشر عبدالفتاح السيسي په دين کې د تجديد په اړه ځانګړي احکام صادر کړل.

څه موده وړاندې هم يو شمېر حکومت پلوو ازهري علماوو سينما ته تګ د اسلام او مصري کلتور په رڼا کې سم کار بللی و او په خپله هم سينما ته تللي وو.

د نن ټکی اسیا موبایل اپلیکیشن
avatar
3 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
لونګ
میلمه
لونګ

څه ظلم دی؟ دا مفتی خو نور ختم دی باید داسی خبری وکړی. خوا مه پری خرابه وي. فقط پر مخ تللی افغانستان جوړ کړی چی کار او بار وی پکی پیشرفت او ترقی. ځانونه سمبال کړی حلالی پیسی په لاس راوړی یوه نه چی دری خو باید هر افغان ولری ځکه چی سړی مو ټول شهیدان شوی. څومره به ښه وی چی یوه له بدخشانه، بله له کندهار نه او بله هم یوه تکړه د توری خیمی کوچی چی د لسو ځواب ووایی.

غ.حضرت
میلمه
غ.حضرت

د یوې نه زیاتی ښځی بحث یو ډېر پېچلی بحث دی چي هر څوک ورته له خپلو عینکو ګوری. د ښځو ( ماندینو) د تعدد بحث تاریخی،جغرافیائي،اقلیمی، اجتماعی،کلتوری،مذهبی،حقوقی، اقتصادی،اخلاقی،جسمی،روحی او نور اړخونه لری چي هر اړخ ئې په خپل ځانګړی ظرفیت کی د پاملرنی وړ دی. یو مباح عمل په یو تاریخی- ټولنیز پړاؤ کی د منلو او توجیه وړ دی خو عین مباح عمل په بل پړاؤ یا ووایو بل مؤقعیت کی د یو ډول کراهت درلوونکی دی. په ځینو خاصو شرائطو کی ( مثلاً د جنسیت د انډول د بحران په صورت کی) شاید د دوو درو ښځو… نور لوستل »

خلیل الرحمن
میلمه
خلیل الرحمن

هغه د ازهر شیخ دی له تاسو نه ښه پوهیګی، عالم دی خبره خو یی ښه کړی نو شرطونه خو لری؟ موژ مسلمانان نو الله دی هدایت راته وکړی، د اختلاف نقطی پیداکولو کی تکړه یو!