شعـــــرونه

تشویش: حفيظ الدين پيرزاده

حفيظ الدين پيرزاده

سوچونو لیونی کړ‎م دا داستان به څنگه شي؟
وطن به څنگه شي؟ زموږ‎ ارمان به څنگه شي؟

نیمگړ‎ې ارزوگانې به مو څرنگه تأویل شي؟
تعبیر د روڼ سبا د خوب بیان به څنگه شي؟

یا ربه! د تشویش غوټه مې ستا حضور ته سپړ‎م
زموږ‎ ضعیف ایمان او لوی کاروان به څنگه شي؟

که سوله په مانا کې له دریځه انحراف وي
دا اولس کاله جنگ او شھیدان به څنگه شي؟

ویریږ‎م چې گټلې جنگ پر میز باندې ور نکړ‎و
د کفر پر وعدو مو اطمینان به څنگه شي؟!

پوھیږ‎م چې کافر دښمن مکار او غټ شیطان دی
مومن زړ‎ونه له دجل په امان به څنگه شي؟

توکل مو په رب کړ‎ی، په ریبار مو پوخ باور دی
خو سولې ته خنډ شوي غمازان به څنگه شي؟

که بې له اسلامي نظام په بل څه شي راضي شئ!
چې رب سرہ مو کړ‎ی دی، پیمان به څنگه شي؟

ای خدایه! که ته حق نن پر باطل برلاسی نه کړ‎ې
زموږ‎ د نیمې شپې ژړ‎ا فغان به څنگه شي؟

خالقه که دا ستا د رحمت وریځې پرې را نه شي
زموږ‎ له وچو سترگو نه باران به څنگه شي؟

دا ستا د یارۍ ټس دی چې شکیدلې تڼۍ گرځي
حفیظ به وایه څنگه؟ او گریوان به څنگه شي؟

حفیظ الدین پیرزاده
ستاکھولم سویدن

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
حکیمي

توکل موپه رب کړی په رییار موپوخ باوردی

بس دازموږه هم ده اطمنان به څنګه شي

مننه پیرزاده صاحب

Back to top button
1
0
Would love your thoughts, please comment.x
()
x