افغانستان

اوچا: وروستیو ورښتونو نږدې دوه زره کورنۍ زیانمنې کړې

نن ټکی اسیا (دوشنبه، ۱۳کب، ۱۳۹۷ل): د ملګرو ملتونو د بشري مرستو د همغږۍ اداره وايي، د افغانستان په جنوب او لوېدیځو سیمو کې وروستیو ورښتونو تر دوه زره ډېرې کورنۍ زیانمنې کړې دي.

د دې دفتر د راپور له مخې یوازې د کندهار په ارغنداب کې ۱۵۰۰ کورنیو ته زیان اوښتی چې ډېری يې هلته مېشت کوچیان دي.

په ورته توګه د فراه په اناردره، شیخ اباد او حنیف اباد کې ګڼې کورنۍ زیانمنې شوې دي، چې هیڅ ډول مرسته هم ورسره شوې نه ده.

د فراه په ګاونډي ولایت هرات کې د اوبه، شینډنډ، زاول، زیرکوه او پښتون‌زرغون ولسوالیو په مربوطاتو کې شاوخوا ۵۰۰کورونه نړيدلي دي.

د تېرې اوونۍ په وروستیو کې پراخو ورښتونو په ګڼو ولایتونو کې له مرکزونو د ولسوالیو لارې هم تړلې دي چې خلک يې له ستونزو سره مخ کړي دي.

په دې ورښتونو کې د کابل ـ کندهار پر لاره د موټرو د بند پاتې کېدو له امله هم د زیانونو خبرونه ورکړل شوي دي.

طالبانو او حکومت دواړو تر لاس لاندې سیمو کې له ورښتونو ځپلو سره د مرستې غږ کړی دی، چې ګڼو سیمو کې د پوښاک او خوراک توکي هم زیانمن شویو ته را ټول شوي دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x