افغانستانخبرونه

ننګرهار: ګډو ځواکونو په عملیاتو کې د ملي اردو د سرتېري ۵ ماشومان وژلي

نن ټکی اسیا (شنبه، ۱۸کب، ۱۳۹۷): تېره شپه د ننګرهار ولایت په «حصارک» ولسوالۍ کې ګډو ځواکونو د شپنیو عملیاتو په مهال د یوې کورنۍ ۱۲ غړي وژلي، چې د هغوی له ډلې پنځه یې د ملي اردو د یوه برحاله عسکر ماشومان دي.

د بي بي سي  خبریال «حفیظ الله معروف» په خپله فسبوک پاڼه لیکلي «په وژل شویو کې پنځه ماشومان د ملي اردو د یوه داسې سرتېري بچیان دي، چې همدا اوس په وردګو کې د طالب په ضد په سنګر کې پروت دی».

معروف وړاندې زیاتوي چې، د سیمې خلګو او عیني شاهدانو ورته منلې چې په یادو عملیاتو کې د ملي اردو د سرتېري یو ډاکټر ورور هم وژل شوی.

https://web.facebook.com/photo.php?fbid=10219084174758377&set=a.10201274780054640&type=3

یاده دې وي چې، په دې وروستیو  کې د سولې له خبرو سره جوخت د ګډو ځواکونو شپنیو عملیاتو زور اخستی چې تر ډېره یې ملکي وګړي هدف ګرځېدلي ، یوازې همدا تېره ورځ د ننګرهار په ګډون په وردګو او غزني کې  د ګډو ځواکونو په عملیاتو کې د ښځو او ماشومانو په شمول ۲۶ ملکي وګړو ته مرګ ژوبله اوښتې وه.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x