افغانستان

حکمتیار: هغوي چې خپله قصابان دي، ماته قصاب وايي / ویډیو

نن ټکی اسیا (دوشنبه، ۲۰ کب، ۱۳۹۷ل): د حزب اسلامي مشر ګلبدین حکمتیار د طلوع نیوز سره په یوه مرکه کې ویلي چې کابل ته په راتګ راضي دی، په اوسني وضعیت یې راضي دی، او لاسته راوړنې یې هم په لیدو ارزي.

نوموړي د یوې پوښتنې په ځواب کې چې ده ته د «کابل قصاب» ویل کیږي، وویل هغه کسان چې خپله قصابان دي، ده ته قصاب وايي.

حکمتیار د یوې پوښتنې په ځواب کې چې د ولسمشرۍ لپاره به ښځه او که نارینه انتخابوي، وویل چې زه سړي ته رایه ورکوم، ځکه چې نارینه د ښځې په پرتله زیاته وړتیا لري. «که‎چېرې یو سړی او یوه مېرمن له یو شان استعدادونو او وړتیا سره وي او له ما نه پوښتنه وشي چې د ولسمشرۍ څوکۍ لپاره چاته رایه ورکوئ، زه سړي ته رایه ورکوم ځکه چې فکر کوم چې نرینه د ښځې په پرتله وړ دی، نه د جنسیتي تعصب له مخکې بلکې د ښځې او سړي د ذاتي استعدادونو لپاره دی.»

حکمتیار همداراز ویلي چې د طالبانو سره په هره کچه ښې اړیکې لري، تمه لري چې د دوحه خبرې به مثبتې پایلي ولري.

نوموړي وویل چې طالبان اوس مجبورا باید سوله وکړي، ځکه چې وضعیت دا سي دی چې ښایي ددوی لپاره بله لاره ستونزمنه وي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x