سرور دانش: د واشنګټن او کابل اړیکو کې «سو‌ءتفاهم» باید نه وي

نن ټکی اسیا (شنبه، ۲۵کب، ۱۳۹۷ل): د اشرف غني مرستیال سروردانش وايي له امریکا سره په دوستۍ کې «سوءتفاهم» ورته د منلو نه دی او باید له منځه وایستل شي.

د دانش له دفتره خپره شوې خبرپاڼه کې راغلي چې نوموړي کابل کې د امریکا د سفارت له مرستیالې کرین دیکر سره خبرو کې ويلي، چې سوله او ټاکنې ورته لومړيتوب لري او له امریکا سره اړیکو کې باید د هر ډول سو‌‌ءتفاهم مخه ونیول شي.

د امریکا مرستیالې سفیرې هم په ټاکنو کې د ملاتړ ژمنه کړې او سرور دانش هم ټينګار کړی چې ټاکنیزو کمیسونونو کې نویو بدلونونو ته هیله‌من دی.

د حکومت او امریکا تر منځ هغه مهال اړیکې د بې اعتمادۍ ښکار شوې کله چې د زلمي خلیلزاد په مشري امریکا د طالبانو سره په دوحه کې د ۱۶ ورځو لپاره مسلسل مذاکرات وکړل او له هغه وروسته خلیلزاد واشنګټن ته مخه کړه.

څو ورځې وړاندې د امنیت شورا سلاکار حمدالله محب د جګړې د ختمولو لپاره د زلمي خلیلزاد هڅې تورنې کړې، چې له امله يې د امریکا د بهرنیو چارو وزارت له لوري سمدستې احضار شو.

د حمدالله محب څرګندونې اجراییه ریس هم وغندلې او په وینا يې له امریکا سره د ملګرتیا زیانمنېدل نه غواړي.

ډاکټر عبدالله ویلي چې امریکا د افغانستان یو ښه ستراتیژیک ملګری هیواد دی، داسي څرګندوني يې پر ضد کول چې دغه ملګرتیا زیانمنه کړي، په هیڅ ډول د منلو نه دي.

تبصرې (2)

  • خواره کيه لږ وخت دی پاته دی امريکا امريکا ناری نوری مه وهه امريکا دی په تيښتی ده ، ځان سپينوه .

  • حیرانونکی ده، د نړی به خپلواکو هیوادو کی چه یو هیواد کوم چارواکی د بل هیواد په داخلی چارو کی یی ناوړه څه ویلی یا کومه کړنه یی ترسره کوی نو هغه بل هیواد یی سفیر احضاروی او خپله ګیله یا اخطار ورته ورکوی .
    مګر تاسی په عملی بڼه کی ولیدل چه دغه تعامل د بادارو او غلامو هیوادو ترمنځ پل ډول وی زمونږ هیواد کی یی عملی بڼه کی مثال وړاندی شو. د امنیتی شوری مشاور ( چه تر جمهور ریس وروسته دوهم او یا اوس دریم لوړ بوړی غړی دی ) به د سولی په اړه خلیلزاد تورن کړی وی. د امریکا حکومت د دی په ځای چه امریکا کی د افغانستان سفیر احضار کړی او خپله ګیله یا اخطاریه ورته ورکړی په ځای یی هماغه کس ( محب ) امریکا ته احظاروی او ورته وایی چه ستاسی جمهور ریس پوری ټول زمونږ مامورین یاست مونږ معاشونه درکوو مونږ مو امنیت نیولی که مونږ نه یو یوه ګړي هم حکومت نشی کولای او مونږ حکومتی چارواکی جوړ کړی اوس مو لیری کوو څه زور لری او که غواړی چه څرمن دی وباسم ؟
    ډیر ژر به خبر شی چه حق حقدار ته سپارل کیږی او تاسی ته که ویزی درنکړو به دننه په هیواد کی محاکمه کیږی په تیشته به هم ونه ژغورل شی .