د غره لیوه او د خان سپی

عمادالدین پژمان

ځینې ریښتیا لکه د غرونو لیوان
وږې زغملی شي او تږي ګرځي

د بل احتیاج د بل منت نه مني
د بل قانون د بل دولت نه مني

مدام آزاد او هسکه غاړه ګرځي
سرې سترګې ګرځي خو له ویاړه ګرځي

 

ځینی بیا سم لکه د خان خډلان
سترګې ېې خښې وي د خان په سترګو

بوڅ ېې غوږونه وي لکۍ ښوروي
د بادار هر امر فرمان په سترګو

ورور او خور نه پيژني خان پيژني
لری کولمې او دسترخوان پيژني

ضمیر چې نه لري عماد پژمانه
د سپي په ژوند به ګرځي ښاد پژمانه

avatar
  ګډون وکړئ  
خبرتیا غوښتل د