ساتونکي/ فکرمل طالب

فکرمل طالب
په هره لاره مې ساتونکي او پولیس پوښتي
زما ایمان لوټي ما هر وارې ابلیس پوښتي

ماته د تور او تور ته ورته لیست خبرې کوی
په تلاشۍ ولاړ عسکر رانه حدیث پوښتي

زما ایمان دجالي خلکو ته له زغمه وتی
په ځان ډاریږي دطالب اشناتأسیس پوښتي

هغوی چې نلري فطرت د نارینه ؤ خلکو
هغوی له جهله په کورونو کې تانیث پوښتي

د سبا ورځ یې فکرمله له یاداښته وتې
همدغه کړنې به طالب له هر خبیث پوښتي

avatar
  ګډون وکړئ  
خبرتیا غوښتل د