کندز: د ولسي وګړو د وژنو په غبرګون لاریون روان دی

نن ټکی اسیا (شنبه، ۳ وری ۱۳۹۸ل): د کندز ولایت په مرکز کې د ولسي وګړو د تازه وژنو په غبرګون لاريون روان دی‌.

راپورونه وايي چې د کندز ولايت د تلاوکې په سيمه کې تيره شپه ګډو ځواکونو د ولسي وګړو په کورونو عملیات کړي دي چې په نتيجه يې ۱۲ تنه ولسي وګړي وژل شوي دي.

نن سهار د سيمې اوسېدونکو د مړو له جسدونو سره د اعتراض په توګه د ولايت مقام په لور خوځېدلي وو چې  خو وړاندې تګ ته نه وو پرېښودل شوي.

لاريون کوونکو غوښتل چې د خپلو مړو جسدونه د کندز ولايت مقام ته يوسي خو د امام صاحب بندر په سيمه کې امنيتي ځواکونو نه وو پريښي.

ددوی وايي چې په سيمه کې يې له تيرو دريو ورځو راهيسې عمليات روان دي چې په نتيجه کې يې  د ښځو او ماشومانو په ګډون ۱۲ تنه ولسي وګړي وژل شوي دي.

د کندوز د ولايتي شورا غړي خوش محمد نصرتيار هم د ګډو ځواکونو په هوايي بريدونو کې د ولسي وګړو وژنه تایید کړې ده.

بايد وويل شي چې په دې وروستيو کې په افغانستان کې د ولسي وګړو په کورونو د بهرنيو او کورنيو عسکرو له لوري چاپې او بريدونه زيات شوي دي چې له امله يې د ولسي وګړو په تلفاتو کې زياتوالی راغلی دی.

avatar
  ګډون وکړئ  
خبرتیا غوښتل د