افغانستان

عبیدالله بارکزی د قطر په غونډه کې د طالبانو له لوري دعوت و

نن ټکی اسیا (شنبه، ۳ وری ۱۳۹۸ل): په ولسي جرګه کې د روزګان د خلکو استازی عبیدالله بارکزی په قطر کې د طالبانو او افغاني شخصیتونو تر منځ په را روانه غونډه کې د طالبانو له لوري دعوت وو.

د قطر دفتر سرچینو نن ټکی اسیا ته ویلي چې عبیدالله بارکزی د یوه قومي مشر او سیاسي شخصیت په توګه د طالبانو له لوري په دوحه کې راتلونکې غونډې ته بلل شوی وو او هغه هم بلنه منلې وه.

تمه ده چې راتلونکې میاشت د طالبانو او افغان سیاسي شخصیتونو تر منځ د قطر په پلازمینه دوحه کې بین الافغاني غونډه جوړه شي.

عبیدالله بارکزی نن د شنبې په ورځ په کندهار کې د نامعلومو موټر سایکل سپرو وسلوالو له لوري ووژل شول.

نوموړی چې په دې وروستیو کې د افغان حکومت او امریکایانو پر ضد په رسنیو کې توندي څرګندونې کولې، د هغه وژنې په ټولنیزو پاڼو کې د حکومت او امریکایانو پر ضد سخت غبرګونونه را پارولي دي.

د نوموړي پر وژل کېدو د طالبانو د وخت سفیر او د سولې فعال ملا عبدالسلام ضعیف پر خپل فیسبوک لیکلي چې عبیدالله بارکزی د سولې د روان بهیر د ملاتړو څخه وو.

ډاکټر فیض ځلاند لیکلي:

عبیدالله بارکزي صیب د سولې تر ټولو ځواکمن غږ او د ملي وحشت حکومت سر سخت مخالف و.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
MHA

Now we know who is killing who. it is very clear that the government is not helping the peace process. Mr ghani is educated and scholar but not a good administrator.

سید حمیدالله

دا د پردو استخباراتو وطن دی هر څه دلته د پردو په خوښه شوني دي. بارکزي ته دې الله پاک جنت فردوس په نصیب کړي.

Back to top button
2
0
Would love your thoughts, please comment.x
()
x