اتمر: دوه میاشتې وروسته باید مؤقت حکومت جوړ شي

نن ټکی اسیا (دوشنبه، ۵وری، ۱۳۹۸ل): د امنیت شورا پخوانی سلاکار او راتلونکو ولسمشریزو ټاکنو ته نوماند، حنیف اتمر وايي دوه میاشتې وروسته د دې حکومت «مشروعیت» بشپړ له منځه ځي، چې باید واک سرپرست او لنډمهاله حکومت ته وسپارل شي.

هغه په بلخ کې یوې غونډې ته خبرو کې وویل، مؤقته اداره يې په لومړیتوبونو کې راځي او په دې ډول ثابتول غواي چې دوی رڼې ټاکنې غواړي.

هغه اوسنی وضعیت «لېون‌حاله» یاد کړ او په وینا يې دا «لېونتوب او تپل شوی جنګ باید ودرول شي.»

اتمر وویل باید د سولې طرفداري وشي، خو د داسې سولې چې «عدالت» پکې خوندي او په وینا يې «جمهوريت او اسلاميت پکې وساتل شي.»

هغه وویل سوله او ټاکنې ورته د یو بل پر وړاندې نه ښکاري، خو په خبره يې د دې دواړو پر وړاندې لوی خنډ د حکومت اوسنی حالت دی، چې باید متوقف شي.

ګډ حکومت چې په لومړیو کې د عبدالله عبدالله او اشرف غني تر منځ د دوو کلونو لپاره د قرارداد پر اساس رامنځته شوی و، وروسته يې د امریکا د وخت د بهرنیو چارو وزیر جان کېري موده وغځوله او راتلونکې جوزا میاشت کې هماغه ور زیاته شوې موده هم پای ته په رسېدو ده.

د نن ټکی اسیا یوټیوب چېنل
avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
هارون
میلمه
هارون

د اتمر درېدنه د هغسې انځورونو مخې چې ټول یې د شر او فساد د څېرو استازیتوب او سمبولونه دي چندانه ښه نه ښکاري. د قدرت لپاره دومره ټیټېدل مناسب کار نه دی. درناوي

غ.حضرت
میلمه
غ.حضرت

درو غمزیانو یو د بل سره تړون او تعهد وکړ چي حج ته به پیاده ځی او تر راتګ وروسته به له غمزې څخه توبه باسی او سړیو غوندی ژوند به غوره کوی.. د غره له کلی د حج په نیت را روان سوه تر حوض مدد پوری په ډېر شوق او ذوق راوسېده هلته ئې په کوم سماوار کی د استراحت په موخه ډډه واچوله، تر چای مای څکلو وروسته ئې یو د بل پر غوږو شونډان کېښودل او سره وې وویل چي راسی د وروستي ځل لپاره دا لعنتی غمزه دلته په سماوار کی ووهو او یو دوه… نور لوستل »