ايران کې د سيلابونو له امله اتلس تنه وژل شوي

نن ټکی اسیا (سه شنبه، ۶وری، ۱۳۹۸ل): د افغانستان ګاونډي ايران کې د وروستيو ورښتونو او سيلابونو له امله اتلس تنه وژل شوي دي او لسګونه نور ټپيان دي.

د ايراني رسنيو د راپورونو له مخې د هغه هيواد په جنوبي ولايت فارس کې د ورښتونو او سيلابونو له امله اتلس تنه وژل شوي دي چې ښځې او ماشومان هم په کې شامل دي.

د ايران د بېړنيو روغتيايي چارو مسؤل پير حسين کوليوند ويلي دي چې د فارس ولایت په مرکز شيراز کې د اتلس تنو د وژل کېدو سربېره سيلابونو لسګونه کسان ټپيان کړي هم دي چې په روغتونو کې تر درملنې لاندې دی.

بل لور ته د ايران د هوا پېژندې ادارې ددې هيواد په بيلا بيلو سيمو کې د نورو ورښتونو او سيلابونو وړاندوينه کړې ده.

د ايران ولسمشر حسن روحاني هم د ايران ولایتي مسؤلينو ته امر کړی دی چې د راتلونکو بارانونو او سيلابونو د خطراتو او طيبعي افاتو له پاره چمتو اوسي.

د يادونې وړ ده چې سږ کال د تيرو کلونو په نسبت ډېر باراني و چې د افغانستان ګڼې سيمې او په ځانګړې توګه يې په جنوبي ولايتونو کې خلکو ته ځاني او مالي زيانونه واړول.

د نن ټکی اسیا موبایل اپلیکیشن
avatar
  ګډون وکړئ  
خبرتیا غوښتل د