افغانستانخبرونه

خامنه یي: د عراق او سوریې په جګړه کې د «افغانانو» قربانۍ د ستایلو دي

نن ټکی اسیا (شنبه، ۱۰وری، ۱۳۹۸ل):د ایران مذهبي مشر «ایت الله سید علي خامنه یي» د عراق او سوریې په جګړه کې د فاطمیون ډلې د وژل شویو افغان غړو قربانۍ وستایلې.

ایت الله خامنه یي، مشهد کې د «فاطمیون» ډلې د وژل شویو غړو له کورنیو سره په لیدنه کې وویل « نن ورځ امریکا په عمومي ډول د اسیا په لوېدیځ کې او په ځانګړي ډول په سوریه، لبنان او عراق کې ماته خوړلې او ددې ماتې امتیاز ستاسو د هغو  اولادونو دی چې په دې جګړه کې یې ژوند له لاسه ورکړی».

نوموړی زیاته کړه «د افغانستان شهیدان تر نورو ځکه امتیاز لري چې په ډېره بې کسۍ او بې وسۍ کې وژل شوي».

د خامنه یې په وینا، له افغانانو سره نږدې پاتې شوی، له انګېزو یې اګاه دی او خبر ورته رسېدلی چې افغانان تر نورو ډېر په جګړه کې کلک او مستحکم دي «افغانان تر نورو په جګړه کې مستحکم او کلک ولاړ دي او هر څومره چې د الله په لاره کې استقامت او فداکاري زیاته وي په هماغه اندازه اجر هم زیات ورکول کېږي».

یاده دې وي چې دا مهال د سوریې په جګړه کې د ایران په ملاتړ ډېر شمېر هغه افغانان جنګېږي چې د ایران له لوري استخدام او یا هم په زور دې ځای ته استول شوي، څو میاشتې وړاندې هم داسې راپورونه خپاره شول چې په ایران کې مېشت افغان کډوال په «زور» د سوریې جګړې ته لېږل کېږي.

د ګډ حکومت د بهرنیو چارو وزارت هماغه مهال ادعا وکړه چې په دې اړوند شته اندېښنې یې د ایران له حکومت سره شریکې کړې.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x