نظــر

ايا اوسنی نظام مشروعيت لري؟

ليکونکی: داود افغان

په معمولي توګه هر نظام خپل مشروعيت د اولس له ملاتړ او نړيوالو قوانينو په رڼا کې تر لاسه کوي.

د اوسني نظام راتلو ته په کتو سره موږ ويلی شو چې دا نظام هيڅ قانوني مشروعیت نه لري.

لومړی: دا چې اوسنی نظام پر افغان اولس د يوه بهرني قوت په زور او جبر تحميل شوی ، چې د نړيوالو قوانينو په رڼا کې داسي يو نظام هيڅ مشروعيت نه لري.

دوهم: که چېرې موږ دا ومنو چې د بن په کانفرانس کې غونډ شوي سياسي څيرې د افغان ولس نماينده ګان وو ، نو همدغه نماينده ګانو پر ښاغلي عبد الستار سيرت موافقه وکړه خو د امريکا له لوري ښاغلی کرزی تحميل شو چې دا خپله د ګډونوالو او بيا د افغانانو اراده نه تمثيلوي.

دريم: اوسني نظام د افغانانو د ارادي خلاف د پرديو پر مټ د افغانانو پر ځورولو او کړولو پيل وکړ چې داسې کړنې د دوی مشروعيت تر سوال لاندې راولي.

څلورم: ټوله نړۍ پر دې اقرار کوي چې افغانستان يو اشغال شوی هیواد دی او د اشغال په شتون کې هيڅ نظام مشروع نظام نشي بلل کيدای.

پنځم: ټول په دې اقرار کوي چې اوسنی او پخوانی حکومت په ټاکنو کې د درغليو او جعل کاری په بنسټ راغلی نو هيڅ مشروعيت نه لري.

شپږم: اوسني حکومت د اساسي قانون د سرغړونې پر بناء راغلی چې خپل مشروعيت همدغه اساسي قانون ته په کتو سره له لاسه ورکوي.

اوم: د افغانستان اسلامي امارت په حيث د يوه نظام چې له اوسني نظام څخه په خوا وجود درلود اوسني نظام ته په سولييزه توګه واک نه دی سپارلی او د امارت مشرتوب له يوه نه بل ته په سلسله توګه انتقال شوی چې همدا يې د مشروعيت لامل دی نو د يوه مشروع نظام په شتون کې د بل په مټ راغلی نظام مشروعيت تر سوال لاندې راولي.

اتم: دا چې اوس يرغلګر هيوادونه د اسلامي امارت سره د خپلو قواو د وتلو په هکله خبرې اترې کوي په خپله د دې څرګندوي کوي چې حتی يرغلګر هيوادونه هم اسلامي امارت ته د يوه مشروع نظام په حيث ګوري ، ځکه هغه پريکړې چې د دواړو لوريو تر منځ شوې يا کيدونکې دي عملي کول يې د دوو هيوادونو تر منځ شوني دي نه د حکومت او ډلو تر منځ.

نهم : دا چې يرغلګر هيوادونه افغانستان تر اشغال لاندې هيواد بولي او د يرغل د ختميدو تړونونه په ټول تاريخ کې د هيواد له حقيقي نماينده ګانو سره کېږي او په افغانستان کې له اسلامي امارت سره په دې هکله مذاکرات کول خپله اسلامي امارت د اولس د نماينده په حيث معرفي کوي چې دا يې د مشروعيت لامل دی او کله چې يې مشروعيت تر لاسه کړ نو د امارت مشروعيت يي خپل په خپله راځي.

لسم: ټول په دې اعتراف کوي چې اسلامي امارت د هيواد شپيته تر اويا فيصده مساحت تر خپل کنټرول لاندې لري چې دا خپله د اوسني نظام او حکومت مشروعيت تر سوال لاندې راولي.

يولسم: دا چې اوسنی حکومت د اساسي قانون په رڼا کې نه دی راغلی بلکې د جانګيري په فرمايش او د دوو کسانو د سياسي جوړښت او خوښې په اساس راغلی او په دې هکله له اولس څخه چا پوښتنه نه ده کړې بلکې په زور پري تحميل شوی نو ويلی شو چې د ديموکراسۍ په اصولو هم نه دی ولاړ نو مشروعيت يې د کومه کړ.

دولسم: دا چې اوسنی نظام او حکومت په خپلو ټولو کړيو ژمنو کې ناکام پاتي دی نو خپل مشروعيت يې هم که چېرته وي له لاسه ورکړی.

ديارلسم: په داسي وخت کي چې ټول اولس د سولې چېغې وهي خو د اوسني نظام اوسنی حکومت پر جنګ اصرار کوي ، کلې ، مساجد او مدرسې بمباروي او د جنګې حالت د لا پياوړي کولو لپاره يې خپل سخت ترين مخالفين په مهمو امنيتي او دفاعي وزارتونو وګمارل ، او اوس يې د زرګونو افغانانو قاتل دوستم هم راووست او له لومړۍ وينا څخه يې د وينو بوی راووتلو نو دا خپله د دې نظام او حکومت مشروعيت له منځه وړي ځکه چې د ملت د ارادې خلاف ګامونه پورته کوي.

نو کله چې اوسنی نظام مشروعيت ونه لري او نه قانونيت او نه د اولس غوښتنې پوره کولی شي ولې يې په بقاء اصرار وشي .

ايا داسې يو غير مشروع نظام او حکومت پر دې ارځي چې ځوانان يې د بقاء لپاره وينې تويي کړي ، او خپلی کونډې ، ميندې او اولاد فقر او بدبختۍ ته پريږدي او د خپلو وينو په بدل کې جګړه دوامداره کړي.

هو اوسنی حالت د زغملو نه دی او بدلول يې اړين او حتمي دی خو د دې په ځای چې د ټوپک په زور بدل شي دا به ښه وي چې په سولیزه توګه بدل شي .

اولس بايد د هغو ټولو کړيو په مقابل کې ودريږي چې د سوله ییزه بدلون مخالفت کوي ، که داسې ونه شي نو دا جګړييز حالت او بدبختي به څو کلونه نوره هم دوام وکړي ، او په هغه وخت کې به بيا د فاتحينو غوښتنې او فيصلې په وچ زور مني .

راځئ چې د هيواد اوسنی بد حالت او د زور د فيصلو څخه د ژغورلو لپاره لاس بډ وهو او په يوه اواز په سوله ټينګار وکړو او چاته اجازه ور نه کړو چې د سولې د دې مبارک مسير په وړاندې خنډونه جوړ کړي.

وما علينا الا البلاغ.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
غوربندي

مننه افغان صاحب
په ګوتو او فکر مو برکت شه

Karwan

افغان وروره له ليکني نه مو يوه نړي مننه.
زه دالله ج نه دهغي ورځي په انتظار يم چه له دغوو ظاليمانو نه زموږ مظلوم اولس خلاص کړي او هغوي ته جزا دعمل حق ورکړي. تاسو او زموږ مظلوم اولس په لوي الله سپارم. په ډير درنښت کاروان

Back to top button
2
0
Would love your thoughts, please comment.x
()
x