افغانستان

هندي هوايي شرکتونو د هند او کابل پروازونه ځنډولي

نن ټکی اسيا: (يکشنبه، ۱۱ وری، ۱۳۹۸ل): وروسته له هغه چې تيره مياشت د پاکستان او هند ترمنځ حالات کړکيچن شول او په يو بل يې د بريدونو ګواښونه وکړل، پاکستان له خپل هوايي حريم څخه د افغانستان په ګډون د ډېرو هېوادونو الوتنې بندې کړې.

له هغې وروسته د اريانا افغان هوايي شرکت او کام اير د الوتکو ترڅنګ د هندوستان هوايي شرکتونو هم د کابل او هند ترمنځ پروازونه کول خو اوس هندي شرکتونو کابل ته خپل الوتنې ځنډولې دي.

د الوتکو پرمخ د پاکستان د هوايي حريم له تړل کېدو وروسته افغانستان د ايران له لارې هند ته خپل پروازونه پيل کړل چې د واټن له زياتېدو سره سره د هوايي ټکټونو بيې هم دوه برابره زياتې شوې.

د افغانستان د هوايي چلند ادارې مشر محمد قاسم وفايي زاده وايي چې د پاکستان د هوايي حريم د تړل کېدو له امله افغانستان ته نژدې اته ميليونه ډالره زيان اوښتی دی.

که څه هم اوس د پاکستان او هند ترمنځ اړيکې او وضعيت عادي شوی دی خو لاهم د پاکستان له هوايي حريم څخه د افغانستان او هند الوتکو ته د تېرېدو اجازه نه ده ورکړل شوې.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x