ایران خونړيو سیلابونو د ښارونو تر منځ لارې تړلې – ویډيو

نن ټکی اسیا (دوشنبه، ۱۲وری، ۱۳۹۸ل): د ایران په لوېدیځ او جنوب لوېديځ کې د توندو ورښتونو له امله د سلګونو کلیو تر منځ لارې تړل شوې او په یادو سیمو کې وضعیت بحراني بلل شوی دی.

د ایران حکومت پر خلکو غږ کړی چې نن او سبا د هېواد په ګوټ ګوټ کې له سفرونو ډډه وکړي، تر څو دوی ورته بېرته د لارو د خلاصون خبر نه وي ورکړی.

تسنیم خبري اژانس وايي، خرم اباد کې د شاوخوا ۲۹۰ کلیو تر منځ لارې تړل شوې او وضعیت خورا ترېنګلی دی.

د خرم اباد په لرستان کې تر اوسه د څلورو تنو د مړه کېدو خبر ورکړل شوی دی، خو په بېلابېلو ښارونو کې شاخوا ۴۴ تنه مړه شوي دي.

د دې هېواد په کرمان‌شاه کې بیا د شاخواو سلو کلیو تر منځ لارې تړلې پاتې دي.

ایراني رسنۍ وايي همدان ښار کې هم ګڼ کلي د اوبو په محاصره کې دي او د ځينو وضعیت خورا مرګونی دی.

ایران کې ډېر شمېر د اوبو بندونه ډک شوي او په ګڼو ښارونو کې په تګ راتګ بندیز لګېدلی دی.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د