ایران: ۹۵ سلنه بندونه مو له اوبو ډک دي – انځورونه

epa07466830 A handout photo made available by the presidential office shows flood effected cities and villages in Golesetan province, Iran, 27 March 2019. According to reports, the Iranian government issued flood warning in several provinces, including the capital Tehran, one day after flash floods in southern Iran city of Shiraz killed 19 people. EPA-EFE/PRESIDENTIAL OFFICE HANDOUT HANDOUT EDITORIAL USE ONLY/NO SALES

نن ټکی اسیا (چهارشنبه، ۱۴وری، ۱۳۹۸ل): ایراني چاروکي وايي چې ۹۵ سلنه بندونه یې له اوبو ډک دي او په ډیرو ولایتونو کې د نورو سیلابونو د راتګ خطر هم زیات شوې دی.

ایراني چارواکو اوس تازه د تیلو څخه غني ولایت خوزیستان کې ۷۰ کلیو ته امر کړی چې کورونه پریږدي.

د ایران د سرې میاشتې رییس علي اصغر پیوندي ویلي چې د سیلابونو اوبه د خوزیستان ولایت پر لوري روانې دي او دوی اندېښنه لري چې په دغه ولایت کې به ډیری کلي د سیلابونو له کبله ډوب شي.

بل لوري ته د خوزیستان والي غلام رضا شریعتي ویلي چې په یاد ولایت کې ۹۵ سلنه بندونه له اوبو ډک دي.

د یادونې وړ ده چې د ایران په تازه سیلابونو کې تر دې دمه ۴۷ کسان وژل شوي او او وروستي ورښتونه د تیرې یوې لسیزې تر ټولو زیان رسوونکي ورښتونه ګڼل شوي دي.