افغانستان

بادغیس: طالبانو بالامرغاب ولسوالۍ کې پنځه پوستې او ۲۱ عسکر نيولي

نن ټکی اسیا (پنجشنبه، ۱۵وری، ۱۳۹۸ل): طالبانو د بادغيس ولايت په بالامرغاب ولسوالۍ يو ځل بيا بريدونه کړي دي او ددې ولسوالۍ پنځه امنيتي پوستې يې نيولي دي.

د طالبانو وياند قاري محمد يوسف احمد وايي چې طالبانو تيره شپه په يادې ولسوالۍ له څلورو لوريو بريدونه کړي دي چې په نتيجه کې يې پنځه پوستې سقوط کړي دي.

احمدي زياتوي چې د تيرې شپې په بريدونو کې ګڼ شمير وسلې او مهمات هم نيول شوي دی او ۱۲ تنه عسکر وژل شوي دي.

نوموړی زياتوي چې د تيرې شپې په بريدونو کې د پنځو کمانډويي عسکرو په ګډون ۲۱ تنه دولتي سرتيري هم نيول شوي دي.

هغه په خپل ټويټر پاڼه د نيول شويو دولتي عسکرو او له هغوی څخه د نيول شويو وسلو او مهماتو انځورونه هم خپاره کړي دي.

https://twitter.com/QMY_Ahmadi/status/1113672037984292865

د يادونې وړ ده چې بالامرغاب د بادغيس ولايت يوه له ناامنه ولسواليو څخه ده چې وخت په وخت د طالبانو تر بريدونو لاندې راځي.

د تيرې دوشنبې په شپه هم طالبانو په دې ولسوالۍ کې د امنيتي ځواکونو دوه مرکزونه نيولي وو.

تر اوسه دولتي چارواکو په دې اړه څه نه دي ويلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x