ورزش

نبي او راشد د اصغرافغان په لرې کیدو توندې نېوکې کړي

نن ټکی اسیا (جمعه، ۱۶ وری، ۱۳۹۸ل): د افغانستان د کرکټ ملي لوبډلې دوه وتلیو لوبغاړو محمد نبي او راشدخان د لوبډلمشر اصغرافغان له ناڅاپه لرې کیدو سره توند مخالفت کړی دی.

محمد نبي او راشد خان په خپلو ټویټر پاڼو د کرکټ بورډ دغه اقدام غیرمناسب او غیرمسوولانه ګڼلی دی.

نبي لیکلي چې دی پر دې باور دی چې د اصغرافغان لرې کولو د اوس وخت لپاره مناسب نه دي. هغه زیاته کړې چې دی شخصا پر دې نظر دی چې اصغر افغان په را روان نړیوال جام کې د افغانستان لوبډلمشر پاتې شي.

په عین حال کې راشدخان هم د اصغرافغان لرې کولو سره توند مخالفت کړی دی.

راشد خان لیکلي چې دوی نړیوال جام په مخ کې لري او اصغرافغان باید د لوبډلمشر په حیث په لوبډله کې پاتې شي.
هغه د کرکټ بورډ دغه اقدام غیرمسوولانه او یو اړخیزه قضاوت ګڼلی.

راشد زیاته کړې:

«په داسې حال کې چې نړیوال جام ته څو میاشتې پاتې دي، د لوبډلمشر تغیرول به په لوبډله کې متردد حالت رامنځته کړي او هم به د لوبډلې مورال ورسره اغیزمن شي».

نبي او راشد دواړو په دغه ټویټونو کې ولمسشر غني، اجراییه رییس ډاکتر عبدالله او د ملي امنیت مشاور ډاکترحمدالله محب ټګ کړي دي.

د یادونې وړ ده چې نن د افغانستان کرکټ بورډ په غیرمتوقع ډول اصغر افغان له لوبډلمشرۍ ګوښه کړ او پر ځای یې ګلبدین نایب لوبډلمشر وټاکه.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close